ایس ٹی ایف کے سینئر ایس پی راجیو نارائن مشر نے منگل کو یہاں بتایا کہ پولیس سپاہی کی وردی پہن کر خود کو کانسٹیبل بتا کر ڈیوٹی کرنے والے اجے کمار چترویدی کو ایس ٹی ایف نے گرفتار کرلیا ہے۔اجے سنت کبیر نگر کا رہنے والا ہے۔
انہوں نے بتایا کہ گرفتار ملزم نے بتایا کہ وہ سنہ 2014 میں سنت کبیر نگر کے اس وقت کے ایس ڈی ایم گھنٹہ گھر سے رابطہ کر کے ان کے ساتھ ڈیوٹی کرنا شروع کیا تھا۔ سنہ 2015 میں جب ان کا تبادلہ سدھارتھ نگر ہوگیا تو وہ بھی ان کے ساتھ سدھارتھ نگر چلا گیا۔
وہ سنہ 2017 میں فیض آباد کے ایس ڈی ایم کے یہاں بھی ڈیوٹی کرچکا ہے۔ گرفتار فرضی پولیس کانسٹیبل جو بھی شخص ایس ڈی ایم کے پاس کام کرانے آتا تھا وہ ان کو کام کرانے کا جھانسہ دے کر ان سے رشوت لیتا تھا۔ گرفتاری کےبعد مسٹر چترویدی نے خود قبول کیا ہے کہ وہ اس معاملے میں 2018 میں بھی گرفتار ہوچکا تھ اور ضمانت پر جیل سے باہر تھا۔
