مقتول کا سر لے کر تھانہ ملزمین پہنچے

تلنگانہ کے ضلع نلگنڈہ میں ایک دل دہلانے والا واقعہ پیش آیا جہاں ایک نوجوان کا انتہائی بے دردی سے قتل کرتے ہوئے اس کا سر جسم سے الگ کردیا گیا۔

نلگنڈہ ضلع میں ایک نوجوان نے بھیانک انداز میں قتل کرتے ہوئے اس کا سر جسم سے علاحدہ کردیا ہے۔

اتنا ہی نہیں سر کے ساتھ دونوں ملزمین پولیس اسٹیشن پہنچے۔
یہ انسانیت سوز واقعہ نلگنڈہ ضلع کے نامپلی میں ہفتہ کی شام پیش آیا۔

بتایا جاتا ہے کہ نیرلہ پلی سے تعلق رکھنے والا 25 سالہ نوجوان صدام کو عرفان اور غوث نامی دو نوجوانوں نے ضلع نلگنڈہ کے نامپلی میں تلوار اور چاقووں سے حملہ کرتے ہوئے ہلاک کردیا۔

صدام کی موت کی تصدیق کے بعد ان دونوں نوجوانوں نے لاش کے جسم سے سر علیحدہ کردیا اور سر کو ہاتھ میں پکڑ کر پولیس اسٹیشن پہنچے۔
قتل کی وجہ لڑکی سے محبت بتائی گئی ہے لیکن اس کی تصدیق نہیں ہوسکی۔یہ تینوں آپس میں رشتہ دار بتائے گئے ہیں۔
نلگنڈہ کے پولیس اسٹیشن میں سر کے ساتھ دو نوجوانوں کے پہنچنے پر پولیس اہل کاربھی سکتہ میں آگئے۔