امروہہ: غیر قانونی شراب کے ساتھ دو افراد گرفتار

ضلع امروہہ کی گجرولا تھانہ پولیس نے اروناچل پردیش سے لائی جا رہی غیر قانونی شراب کے ساتھ دو اسمگلروں کو گرفتار کیا ہے، جن کے قبضے سے شراب کی 32 پٹی برآمد ہوئی ہیں۔

ریاست اترپردیش کے امروہہ ضلع کی گجرولا پولیس نے مخبر سے موصولہ اطلاع کی بنیاد پر دو شراب اسمگلروں کو گرفتار کرکے بڑی کامیابی حاصل کی ہے، یہ دونوں افراد اروناچل پردیش سے شراب لے کر آتے تھے ۔

اس پورے معاملے کا انکشاف کرتے ہوئے ایڈیشنل سپرنٹنڈنٹ پولیس امروہہ اجے پرتاپ سنگھ نے بتایا کہ پولیس نے ایک کار کو کاشی پور سے ہاپور جاتے ہوئے روک کر دو ملزمان کو گرفتار کیا ہے، ان کے قبضے سے غیر قانونی شراب کے 32 پٹی برآمد ہوئی ہے۔ ایس پی کے حکم پر شراب اسمگلروں کے خلاف چلائی جارہی مہم کے دوران امروہہ پولیس کو یہ کامیابی حاصل ہوئی ہے، ان دونوں کے پاس سے ایک گاڑی بھی برآمد ہوئی جس کے ذریعے وہ شراب سمگل کر رہے تھے۔