مذکورہ خاتون کے بھائی نے پولیس پر الزام لگایا ہے کہ پولیس کو متعدد بار اطلاع دینے کے باوجود کورونا وائرس کی مصروفیت کا حوالہ دیتے ہوئے معاملے کو سنجیدگی سے نہیں لیا۔
اس خاتون سے اس کے بھائی سمیت پڑوسی بھی کافی پریشان بتائے جاتے ہیں، کیوں کہ وہ ایک ذہنی مریضہ ہے۔
پولیس نے ای ٹی وی بھارت کی پہل کے بعد خواتین اہلکار کے ساتھ کارروائی کرتے ہوئے اسے باہر نکالا۔
مریضہ خاتون کے بھائی کا کہنا ہے کہ انھوں نے اپنے فون کے ذریعہ پولیس کو متعدد بار فون کیا تھا ، لیکن ہر بار پولیس کورونا وائرس کی روک تھام کا حوالہ دیتے ہوئے اس معاملے سے گریز کرتی رہی۔
ای ٹی وی بھارت کو اس پورے معاملے کا پتہ چلا تو پھر خاتون کو گھر سے باہر نکالا گیا اور علاج کے لئے ہسپتال میں داخل کرایا گیا۔
اس عورت کی عمر 40 برس ہے اور گذشتہ کئی برسوں سے اس کا علاج چل رہا ہے۔
مینٹلی ڈس آرڈر کی وجہ سے ، اس خاتون نے گذشتہ پانچ دنوں سے اپنے آپ کو کمرے میں بند کرلیا تھا اور بعض اوقات اس کی چیخ و پکار کی آوازوں سے لوگ پریشان ہو رہے تھے۔
مقامی افراد نے پولیس محکمہ پر الزام لگایا ہے کہ پولیس کو چاہیے کہ وہ کورونا وائرس معاملے کے ساتھ ساتھ اپنی دیگر ذمہ داریاں بھی ادا کرنی شروع کردے تاکہ ذمہ دار شہری امن و شانتی سے اپنی زندگی گزار سکیں۔
