ریاست تلنگانہ کے درالحکومت حیدرآباد۔بیجاپور شاہراہ پر چیوڑلہ منڈل کی ملکاپور گیٹ کے قریب پیش آئے سڑک حادثہ میں 8 افراد جاں بحق اور چار افراد زخمی ہوگئے۔
یہ حادثہ آج صبح اُس وقت پیش آیا جب تاڑبن علاقہ سے تعلق رکھنے والے ایک ہی خاندان کے 11افراد کرناٹک کے گرمٹکال کے لئے جارہے تھے۔
چیوڑلہ منڈل کے کنداواڈااسٹیج کے قریب ان کی کارچلانے والے نے ایک اور کار کو اوور ٹیک کرنے کی کوشش کی۔
اسی دوران مخالف سمت سے آنے والی بورویل لاری سے ان کی کار کی ٹکر ہوگئی۔
حادثہ اتنا شدید تھا کہ 6افرادموقع پر ہی جاں بحق ہوگئے۔
ہلاک ہونے والے افراد کی شناخت 50سالہ آصف،18سالہ ثانیہ،45سالہ نازیہ بیگم،28سالہ عرشیہ،36سالہ نازیہ بانو، 6سالہ عرشیہ بانواور 43سالہ خالد کے طورپر کی گئی ہے ۔
جب کہ زخمیوں میں خیرون بیگم،ایاز خان،نذیر بیگم،انورخان اور دوسرے شامل ہیں۔
شدید زخمیوں کو علاج کے لئے حیدرآباد کے پرائیویٹ ہسپتال منتقل کیاگیا ہے۔
مزید پڑھیں:حیدرآباد: ایم آئی ایم اور ایم بی ٹی کارکنان کے درمیان تکرار
جب کہ معمولی زخمیوں کو چیوڑلہ کے سرکاری اسپتال منتقل کیاگیا۔
لاشوں کو پوسٹ مارٹم کے لئے ہسپتال منتقل کردیاگیا۔حادثہ کی شدت اتنی تھی کہ کار کو شدید نقصان ہوا۔
اس حادثہ کے نتیجہ میں بیجاپور قومی شاہراہ پر تقریبا دو کیلومیٹر تک قومی شاہراہ پر ٹریفک جام رہا۔
پولیس نے اس سلسلہ میں ایک معاملہ درج کرکے تفتیشی کارروائی شروع ہوگئی ہے۔
