ریاست اترپردیش کے مختلف علاقوں میں آسمانی بجلی گرنے سے 13 افراد کی موت ہوگئی ہے۔
ریاست کے وزیر اعلیٰ یوگی آدتیہ ناتھ نے متعلقہ ضلعی عہدیداروں کو ہدایت دی ہے کہ وہ ہلاک ہونے والوں کے لواحقین کو چار لاکھ روپے کی مالی امداد فراہم کریں۔
اتر پردیش میں بارش اور گرج چمک کے دوران آسمانی بجلی گرنے سے الگ الگ واقعات میں کم از کم 13 افراد ہلاک ہوگئے۔
ریلیف کمشنر سنجے گوئل نے اس سلسلہ میں ایک بیان جاری کرتے ہوئے کہا ہے کہ آسمانی بجلی گرنے سے غازی پور میں چار ، کوشامبی میں تین ، کوشی نگر اور چترکوٹ میں دو ، جون پور اور چندؤلی میں ایک ایک لوگ ہلاک ہوئے ہیں۔
مزید پڑھیں:آسماں تیری لحد پر شبنم افشانی کرے!
انہوں نے یہ بھی کہا کہ سیلاب کی وجہ سے لکھیم پور کھیری ، سیتا پور اور اعظم گڑھ کے 28 دیہات متاثر ہیں۔
خیال رہے کہ جون میں ریاست میں آسمانی بجلی گرنے سے 24 افراد کی موت ہوگئی تھی۔
