بغداد: عراق کے دارالحکومت بغداد کے وسطی علاقے میں ایک امریکی شہری کو اغواکی ناکام کوشش کے بعد ہلاک کر دیا گیا ہے۔ عراقی پولیس کے ذرائع نے بتایا ہے کہ پیر کے روز امریکی شہری کی لاش کو دارالحکومت کے علاقے کرادہ میں واقع ایک اسپتال میں منتقل کردیا گیا ہے۔اسپتال کی ابتدائی رپورٹ سے پتہ چلتا ہے کہ اس کی موت گولی لگنے کی وجہ سے ہوئی ہے۔US citizen killed in Baghdad
پولیس ذرائع نے بتایا کہ مقتول کے پاس سے ایک شناختی کارڈ برآمد ہوا ہے جس سے ظاہرہوتا ہے کہ وہ انگریزی کا استاد تھا۔پولیس کے مطابق ایک گاڑی میں سوار مسلح افراد نے مقتول کو لے جانے والی ایس یو وی پرفائرنگ کی اور اسے گولی مار کرقتل کردیا۔ ایک پولیس میجر نے بتایاکہ ہماری ابتدائی تحقیقات اور عینی شاہدین کے بیانات سے پتہ چلتا ہے کہ مسلح افراد امریکی شہری کو اغوا کرنے کی کوشش کر رہے تھے۔
یہ بھی پڑھیں:Brazil Minibus Accident برازیل میں منی بس حادثے میں پانچ افراد ہلاک
یو این آئی
