واشنگٹن: امریکہ نے اپنے شہریوں کو حکم دیا ہے کہ وہ روس کو فوری طور پر چھوڑ دیں اور روس کا سفر نہ کریں۔ واشنگٹن نے ماسکو میں اپنے سفارت خانے کے ذریعے وضاحت کرتے ہوئے کہا کہ امریکی شہریوں کو گرفتاریوں اور ایسے سلوک کا نشانہ بنایا جاتا ہے، جس میں شفافیت کا فقدان ہوتا ہے۔ وہ خفیہ مقدمات میں یا بغیر مصدقہ ثبوت کے مجرم ٹھہرائے جاتے ہیں۔ یاد رہے امریکہ نے گزشتہ برس ستمبر میں بھی اپنے شہریوں کو ایسی ہی ہدایات جاری کی تھیں۔
بی بی سی رپورٹ کے مطابق یہ درخواست یوکرین میں جنگ اور امریکیوں کو من مانی حراست کا نشانہ بنائے جانے کے امکان کی وجہ سے سامنے آئی ہے۔ سفارت خانے نے اپنے بیان میں کہا کہ روسی سکیورٹی سروسز نے جھوٹے الزامات کی وجہ سے امریکیوں کو گرفتار کیا اور انہیں ہراساں کیا گیا۔ انہیں منصفانہ اور شفاف سلوک سے محروم رکھا گیا۔ قابل اعتماد ثبوت فراہم کیے بغیر ان امریکی شہریوں کو سزائیں بھی جاری کر دی گئی۔ بیان میں مزید یاد دلایا گیا کہ روس نے شک کی بنیاد پر ایک امریکی شہری کے خلاف فوجداری مقدمہ بھی چلایا تھا۔
سفارت خانے نے امریکی شہریوں روس سے نکلنے کی ہدایت گزشتہ ستمبر میں اس وقت کی تھی جب روسی صدر پوتین نے انہیں جزوی طور پر نقل مکانی کا حکم دے دیا تھا۔ امریکہ نے اپنے شہریوں کو فوری طور پر روس چھوڑنے کا مشورہ دیا تھا اور کہا تھا کہ روس دوہری شہریت کو تسلیم کرنے سے انکار کر سکتا ہے۔
یو این آئی
