ابوظہبی: متحدہ عرب امارات (یو اے ای) نے ترکی میں گذشتہ ہفتے آنے والے 7.8 شدت کے تباہ کن زلزلے کے متاثرین کی مدد کے لیے سب سے بڑا فیلڈ اسپتال کھولا ہے۔ امارات نیوز ایجنسی (وام) نے منگل کے روز اطلاع دی ہے کہ ترکیہ میں غازی عنتاب کے ضلع اصلاحی میں امارات ریلیف فیلڈ اسپتال نے زلزلے سے متاثرہ افراد کو نفسیاتی بحالی سمیت طبی دیکھ بھال کی خدمات مہیا کرناشروع کر چکے ہیں۔ ترکیہ اور شام میں آنے والے زلزلے کے نتیجے میں 37 ہزار سے زیادہ افراد ہلاک اور ہزاروں زخمی ہو چکے ہیں۔ امارات ریلیف فیلڈ ہسپتال کے کمانڈر اسٹاف بریگیڈیئر ڈاکٹرعبداللہ الغیثی کے مطابق اسپتال ترکیہ کی وزارت صحت اورڈیزاسٹر اینڈ ایمرجنسی مینجمنٹ اتھارٹی (اے ایف اے ڈی) کے ساتھ رابطے میں ہے۔
چالیس ہزار مربع میٹر پر محیط اس طبی مرکز میں مختلف شعبوں کے 15 ڈاکٹر اور 60 نرسیں اور تکنیکی معاونین موجود ہیں۔اس میں متعدد تشخیصی اور علاج کی خدمات پیش کی جارہی ہیں ہے۔ان میں ہنگامی اور سرجیکل آپریشن ، اور انتہائی نگہداشت شامل ہیں۔زلزلے کے متاثرین کو ضروری نفسیاتی مدد فراہم کرنے کے لیے اسپتال میں ایک نفسیاتی کلینک بھی قائم کیا گیا ہے۔مریضوں کے وارڈ میں 50 عام مرض کے بستر اور چار آئی سی یو بستر ہیں۔
یو این آئی
