حیدرآباد: امریکی ریاست میسوری میں تلنگانہ کے دو طالب علم اوزرکس جھیل میں ڈوب کر ہلاک ہوگئے۔ میسوری اسٹیٹ ہائی وے پٹرول ڈویژن کے ذریعہ متاثرین کی شناخت 24 سالہ اُتیج کنٹا اور 25 سالہ شیوا کیلیگاری کے طور پر کی گئی ہے۔ شیوا رنگاریڈی ضلع کے تندور کا رہنے والا ہے جبکہ اتیج ہنم کونڈہ کا رہائشی ہے۔ ذرائع کے مطابق یہ واقعہ 26 نومبر کی دوپہر تقریباً 2.30 بجے پیش آیا، جب دونوں دوست اُتیج کنٹا اور شیوا ڈی کالیگری تھینکس گیونگ ویک اینڈ پر اوزرکس جھیل میں تیراکی کی غرض سے گئے تھے۔ دونوں طلباء سینٹ لوئس یونیورسٹی میں ماسٹرز کی تعلیم حاصل کر رہے تھے۔ Indian students drown in US lake
تلنگانہ کے وزیر کے ٹی راما راؤ نے ایک ٹویٹ میں کہا کہ انہوں نے اپنی ٹیم سے کہا ہے کہ وہ جلد از جلد لاش کو واپس لانے میں متاثرین کے اہل خانہ کی مدد کریں۔
امریکی میڈیا رپورٹس کے مطابق جب اتیج پانی میں ڈوبنے لگا تو شیوا اس کی مدد کے لیے جھیل میں چھلانگ لگا دیا لیکن ایک دوست دوسرے کو بچانے میں کامیاب نہیں ہوسکا اور دونوں ڈوب گئے۔ اُتیج کی لاش کو میسوری اسٹیٹ ہائی وے پٹرول واٹر ڈویژن کی ٹیم نے واقعے کے چند گھنٹے بعد برآمد کرلی، جبکہ شیوا کی لاش کو اگلے دن ایک غوطہ خور ٹیم نے برآمد کیا۔
یہ بھی پڑھیں:
Indian student in Canada Dies کینیڈا میں بھارتی طالب علم کی سڑک حادثے میں موت
Indian American student killed بھارتی نژاد امریکی طالب علم کا قتل، کورین روم میٹ حراست میں
