اوٹاوا: کناڈا کی پبلک ہیلتھ ایجنسی نے کہا کہ کناڈا میں منکی پوکس کے 1289 معاملوں کی تصدیق ہوئی ہے، جن میں 35 مریض ہسپتالوں میں داخل ہیں۔ صحت ایجنسی نے جمعہ کو بتایا کہ تصدیق شدہ معاملوں میں سے 618 اونٹاریو، 493 کیوبیک، 139 برٹش کولمبیا، 31 البرٹا، تین ساسکیچیوان، دو یوکون اور ایک ایک نووا اسکاٹیا، مانیٹوبا اور نیو برنسوک سے ہیں۔ Total Monkeypox Cases in Canada
صحت ایجنسی نے صوبوں اور علاقوں میں مدافعتی ویکسین کے ایک لاکھ سے زیادہ ڈوز فراہم کئے ہیں۔ اب تک 60 ہزار سے زائد لوگوں کو کم از کم ایک خوراک دی جا چکی ہے۔ ماہرین کا کہنا ہے کہ منکی پوکس ایک وائرل بیماری ہے جو متاثرہ شخص کے قریبی رابطے سے دوسرے انسان میں پھیل سکتی ہے جس میں گلے ملنا، مالش کرنا یا جنسی ملاپ شامل ہے۔
یہ بھی پڑھیں: Canada Monkeypox Cases کناڈا میں منکی پاکس کے 1228 کیسز
یو این آئی
