ایمسٹرڈم: نیدرلینڈز میں قرآن پاک کی بے حرمتی کی کوشش کو مقامی نوجوانوں نے ناکام بنادیا۔ مسلمان نوجوانوں نے پولیس حصار توڑ کر انتہا پسند کو قرآن پاک کی بے حرمتی کرنے سے روک دیا۔ تفصیلات کے مطابق نیدرلینڈز میں قرآن پاک کی بے حرمتی کی کوشش کرنے والوں کے عزائم مسلمان نوجوانوں نے خاک میں ملادئیے۔
مسلمان نوجوانوں نے پولیس حصار توڑ کر انتہا پسند کو قرآن پاک کی توہین سے روکا تو پولیس نوجوانوں پر ٹوٹ پڑی اور لاٹھی چارج کیا۔
غیر ملکی میڈیا رپورٹس نے بتایا کہ دائیں بازو کے انتہا پسند افراد قرآن پاک کی بے حرمتی کرنا چاہتے تھے، قرآن پاک کی بے حرمتی کی کوشش کرنے والے افراد موقع سے فرار ہو گئے۔ جبکہ پولیس خاموش تماشائی بنی کھڑی رہی۔
یہ بھی پڑھیں:ایران نے عراق میں امریکی قونصل خانے کے قریب موساد کے ہیڈ کوارٹر کو نشانہ بنایا
واضح رہے اس سے قبل سویڈن میں قرآن پاک کی بے حرمتی کے خلاف دنیا بھر میں احتجاجی مظاہرے کئے گئے تھے۔ سویڈن میں 37 سالہ سلوان مومیکا اور 48 سالہ سلوان نجم نے قرآن پاک کی بے حرمتی کی تھی۔ سویڈن میں مقیم عراقی پناہ گزین سلوان مومیکا اس طرح کے متعدد واقعات میں ملوث رہا ہے ۔ 31 جولائی 2023 کو اس نے ایک اور شخص کے ہمراہ سویڈش پارلیمنٹ کے باہر قرآن مجید کی بے حرمتی کی تھی۔ واضح رہے سویڈن میں اس عمل کی اظہار آزادی کے قوانین کے تحت اجازت دی گئی ہے۔
( یو این آئی )
