استنبول: شمالی اوقیانوس معاہدہ تنظیم (ناٹو) نے تنظیم میں سویڈن اور فن لینڈ کے داخلہ دیئے جانے کی وکالت کرتے ہوئے کہا ہے کہ ان ممالک نے ترکی کے تئیں اپنی ذمہ داریاں پوری کی ہیں اور انہیں ناٹو میں داخل ہونے کی اجازت دی جانی چاہیے۔ ناٹو کے سیکرٹری جنرل جینز اسٹولٹن برگ نے جمعرات کو یہاں ترک وزیر خارجہ مولود جاويش اوغلو کے ہمراہ صحافیوں سے خطاب کرتے ہوئے کہا ’’اب وقت آگیا ہے کہ فن لینڈ اور سویڈن کو ناٹو کے کل وقتی ارکان کے طور پر خوش آمدید کہا جائے۔‘‘ Finland and Sweden in NATO
انہوں نے کہا کہ ’’ان کا انضمام ہمارے اتحاد کو مزید مضبوط کرے گا اور ہمارے لوگوں کو محفوظ بنائے گا‘‘۔ انہوں نے مزید کہا کہ فن لینڈ اور سویڈن دہشت گردی کے خلاف جنگ کے لیے ترکی کے ساتھ مل کر کام کرنے کے لیے تیار ہیں۔ واضح رہے کہ فن لینڈ اور سویڈن ناٹو کے رکن بننا چاہتے ہیں لیکن ترکی نے جولائی میں ہنگری کے ساتھ ابتدائی پروٹوکول پر دستخط کرنے کے باوجود ابھی تک ان دونوں ممالک کے لیے ناٹو کی رکنیت کی توثیق کے عمل کو حتمی شکل نہیں دی ہے۔
یہ بھی پڑھیں: Ukraine NATO Membership Bid جرمنی آزادانہ طور پر یوکرین کی نیٹو میں شمولیت کی منظوری دینے سے قاصر ہے
یو این آئی
