Sri Lankan Forces Raid Protest Camp: سری لنکائی فورسز کا مظاہرین پر کریک ڈاؤن، بین الاقوامی نتظیموں کا اظہار تشویش

سری لنکا کی سکیورٹی فورسز نے جمعے کی صبح کولمبو کے مرکزی شہر میں سرکاری میدانوں پر قابض ایک احتجاجی کیمپ پر چھاپہ مارا اور اس کے ایک حصے کو صاف کر دیا۔ Sri Lankan Forces Raid Protest Camp ملک کے نئے صدر حلف برداری کے ایک دن بعد ہی مظاہرین پر یہ کریک ڈاؤن شروع ہوا جیسا کہ انھوں نے پہلے کہا تھا کہ حکومت گرانے یا سرکاری عمارتوں پر قبضہ کرنے کی کوئی بھی کوشش جمہوریت نہیں ہے اور ایسی سرگرمیوں میں ملوث افراد سے قانون کے مطابق سختی سے نمٹا جائے گا۔

کولمبو: سری لنکا میں سکیورٹی فورسز Sri Lankan Forces نے دارالحکومت کولمبو میں حکومت مخالف احتجاجی کیمپ پر چھاپہ مارنا، خیموں کو گرانا اور مظاہرین کو ہٹانا شروع کر دیا۔ Sri Lankan Forces Raid Protest Camp فوج اور پولیس اہلکار آدھی رات کے قریب ٹرکوں اور بسوں میں اس مقام پر پہنچے جہاں دارالحکومت کولمبو میں صدارتی محل کے قریب مظاہرین گزشتہ 104 دنوں سے جمع ہیں۔ یہ دباؤ رانیل وکرما سنگھے کے صدر کے طور پر حلف اٹھانے کے بعد آیا ہے، جنہوں نے واضح کیا ہے کہ حکومت گرانے یا سرکاری عمارتوں پر قبضہ کرنے کی کوئی بھی کوشش جمہوریت نہیں ہے۔ ساتھ ہی خبردار کیا کہ ایسی سرگرمیوں میں ملوث افراد سے قانون کے مطابق سختی سے نمٹا جائے گا۔

پولیس کے ترجمان نالن تھلڈووا نے بتایا کہ "صدارتی سیکرٹریٹ کو مظاہرین سے واپس لینے کے لیے صبح سویرے فوج، پولیس اور پولیس کے خصوصی دستوں پر مشتمل ایک مشترکہ آپریشن شروع کیا گیا تھا کیونکہ ان کے پاس اس کے انعقاد کا کوئی قانونی حق نہیں ہے۔ دو زخمیوں سمیت نو افراد کو گرفتار کر لیا گیا ہے۔ مظاہرین نے بھی خدشہ ظاہر کیا تھا کہ نئے صدر رانیل وکرما سنگھے کے دور میں کریک ڈاؤن شروع ہوجائے گا، کیونکہ ان کو معزول پیش رو گوتابایا راجا پاکسے کے اتحادی کے طور پر دیکھا جاتا تھا۔

احتجاج کے منتظمین نے بتایا کہ سینکڑوں سیکورٹی اہلکاروں نے آدھی رات کے بعد "گوٹا گو گاما" احتجاجی کیمپ کو گھیرے میں لے لیا اور پھر اس کے ایک حصے کو صاف کر دیا گیا۔ دن کی روشنی میں درجنوں فوجیوں نے علاقے میں مارچ کیا اور صدر کے دفتر کے سامنے سے گزرنے والی مرکزی سڑک کے دونوں طرف کھڑے احتجاجی خیموں کی قطاریں مکمل طور پر ختم ہو گئیں۔ منتظمین نے بتایا کہ کم از کم 50 مظاہرین زخمی ہوئے، جن میں کچھ صحافی بھی شامل ہیں جنہیں سکیورٹی فورسز نے مارا پیٹا۔

اس پورے معاملے پر بین الاقوامی ایجنسیوں اور کمیونٹی نے ٹوئٹر پر امریکی سفیر کے نام ایک پیغام میں کہا کہ گالے فیس میں آدھی رات کو مظاہرین کے خلاف کی گئی کارروائی انتہائی تشویشناک ہے۔ ہم انتظامیہ سے اپیل کرتے ہیں کہ وہ تحمل کا مظاہرہ کریں اور اس کارروائی میں زخمی ہونے والوں کو جلد از جلد طبی امداد فراہم کریں۔ اقوام متحدہ کی ریذیڈنٹ کوآرڈینیٹر حنا سنگر ہمڈی نے ایک پیغام میں کہاکہ ’’مظاہرین کو منتشر کرنے کے لیے سکیورٹی فورسز کا استعمال انتہائی تشویشناک ہے۔ انسانی حقوق کے کارکنوں اور صحافیوں کو احتجاج پر نظر رکھنے کا حق ہے اور ان کے کام میں رکاوٹ نہیں ہونی چاہیے۔ حکومت کی طرف سے مظاہرے کو دبانے کے لیے یا احتجاج کے لیے کسی مقام پر مظاہرین کے پرامن اجتماع کے خلاف کوئی بھی اقدام سری لنکا میں سیاسی استحکام اور معاشی صورتحال کو مزید دھچکا دے سکتا ہے۔

سری لنکا کی بار ایسوسی ایشن نے بھی آدھی رات کو مظاہرین کے خلاف فوجی کارروائی پر کڑی تنقید کی ہے۔ سری لنکا کے انسانی حقوق کمیشن نے بھی اس کارروائی پر کڑی تنقید کرتے ہوئے اسے لوگوں کے انسانی حقوق کی کھلی خلاف ورزی قرار دیا۔ کمیشن نے کہا کہ وہ خود اس معاملے کی جانچ کرے گا تاکہ امن و امان قائم کیا جاسکے۔ ملک کے نئے صدر کے عہدہ سنبھالنے کے بعد بھی حکومت مخالف مظاہرے جاری ہیں کیونکہ نئے صدر وکرما سنگھے کو بھی ملک میں راجا پاکسے کے اتحادی کے طور پر دیکھا جاتا ہے۔