سری لنکا کرکٹ (ایس ایل سی) نے آسٹریلیا کے دورے کے ٹکٹوں کی فروخت سے حاصل ہونے والی رقم حکومت کو عطیہ کرنے کا فیصلہ کیا ہے تاکہ اپنے ملک کو مالی بحران سے باہر نکالنے میں مدد مل سکے۔ ایس ایل سی کے سکریٹری موہن ڈی سلوا نے پیر کو یہ اطلاع دی۔ یہ فیصلہ ایگزیکٹو کمیٹی نے سری لنکا کے وزیر کھیل روشن رانا سنگھے کی اپیل کے بعد کیا ہے۔ Sri Lanka Cricket to donate revenue to government
ڈی سلوا نے کہا کہ آسٹریلوی کھلاڑیوں کا خیر مقدم کرتے ہوئے میں فخر سے کہنا چاہوں گا کہ یہ دورہ ہمارے ملک کے لیے نہ صرف کرکٹ کے محاذ پر بلکہ اقتصادی محاذ پر بھی اس عرصے کے دوران حاصل ہونے والے زرمبادلہ کی وجہ سے بھی اہم ہے۔ ایس ایل سی نے فیصلہ کیا ہے کہ وہ پوری آمدنی لوگوں کے فائدے کے لیے عطیہ کرے گا۔ Sri Lanka vs Australia cricket match
یہ بھی پڑھیں: Sri Lanka Squad against Australia: سری لنکا نے پہلے ٹی ٹوئنٹی کے لیے ٹیم کا اعلان کیا
سری لنکا 52 روزہ ہوم ٹور پر آسٹریلیا کی میزبانی کرکے 25 لاکھ ڈالر کمائے گا۔ سری لنکا اور آسٹریلیا کے درمیان 3 میچوں کی ٹی۔20 سیریز کا پہلا میچ منگل کو یہاں آر پریماداسا انٹرنیشنل کرکٹ اسٹیڈیم میں کھیلا جائے گا۔ Sri Lanka Cricket to donate revenue to government
یواین آئی
