غزہ (فلسطین): غزہ پٹی کا واحد پاور پلانٹ ہفتے کے روز ایندھن ختم ہونے کے بعد بند ہو گیا، بجلی کمپنی کے ترجمان نے کہا کہ اسرائیل کی طرف سے فلسطینی انکلیو کے ساتھ سامان کی گزرگاہ بند کرنے کے پانچ دن بعد غزہ میں پاور پلانٹ ایندھن کی کمی کی وجہ سے کام کرنا بند کر دیا ہے۔ دراصل اسرائیلی فوج نے مقبوضہ مغربی کنارے میں فلسطینی اسلامی جہاد کے دو سینئر ارکان کی گرفتاری کے بعد انتقامی کارروائی کے خوف سے غزہ کے ساتھ اپنی سرحد کو سامان اور لوگوں کے لیے مکمل طور سے بند کر دیا ہے۔
جب سے اسرائیل نے اپنا سامان اور لوگوں کا غزہ سے گزرنا بند کر دیا ہے تب سے یہ پاور اسٹیشن اسرائیل کے ذریعے ایندھن کی ترسیل کے بغیر چلا گیا ہے۔ جس کی وجہ سے بجلی کی فراہمی دن میں صرف چار گھنٹے تک آنے کی توقع ہے۔ پاور پلانٹ کے لیے ڈیزل عام طور پر مصر یا اسرائیل سے ٹرک میں لایا جاتا ہے، اسرائیل نے 2007 میں غزہ پر عسکریت پسند گروپ حماس کے کنٹرول کے بعد سے انکلیو کی ناکہ بندی برقرار رکھی ہے۔
ہفتے کے روز ایک بیان میں، غزہ کی بجلی کمپنی نے کہا کہ شٹ ڈاؤن "تمام عوامی سہولیات اور اہم تنصیبات کو متاثر کرے گا اور انسانی صورتحال کو مزید خراب کرے گا"۔ کمپنی نے تمام فریقین سے مطالبہ کیا کہ وہ فوری طور پر مداخلت کریں اور پاور پلانٹ کو کام کرنے کے لیے ایندھن کی ترسیل کے داخلے کی اجازت دیں۔ اقوام متحدہ کے انسانی ہمدردی کے ادارے OCHA کے اعداد و شمار کے مطابق، غزہ کے 2.3 ملین باشندوں کو بجلی کی مستقل قلت کا سامنا ہے اور گزشتہ ہفتے اوسطاً 10 گھنٹے روزانہ بجلی ملتی ہے۔
یہ بھی پڑھیں:
