صنعا: یمن کے وسطی صوبے مارب میں منگل کو گولہ بارود کے ڈھیر میں دھماکے میں آٹھ افراد ہلاک ہو گئے۔ حوثیوں کے زیرانتظام المصیرہ ٹی وی نے یہ اطلاع دی۔ ایک نامعلوم ذرائع کا حوالہ دیتے ہوئے ٹیلی ویژن نے اطلاع دی ہے کہ دھماکہ مارب میں عابدہ وادی کے الحاوي علاقے میں ایک مقامی اسلحہ ڈیلر کے گھر میں ہوا۔ جس میں اسلحہ ڈیلر، اس کی بیوی اور پانچ بچے مارے گئے۔ ایک دیگر متاثرہ وہ شخص تھا جو گھر میں موجود دھماکہ خیز ڈیوائس کو سنبھالنے کی کوشش کر رہا تھا۔ رپورٹ میں کہا گیا ہے کہ دھماکے سے مکان کھنڈر بن کر رہ گیا۔ ابتدائی تحقیقات سے معلوم ہوا ہے کہ دھماکہ ممکنہ طور پر گولہ بارود کے غلط استعمال کی وجہ سے ہوا۔
واضح رہے کہ اس سے قبل مئی 2023 میں شمالی یمن میں حوثی عسکریت پسندوں کی طرف سے بچھائے گئے بارودی سرنگ کے دھماکے میں دو بچے ہلاک ہو گئے تھے۔ مقامی سرنگ میں دھماکہ الجوف صوبے کے مغرب میں ہوا۔ دھماکے میں دو بچے ہلاک جب کہ ان کے والدین اور تیسرا بچہ زخمی ہوا۔ یمن 2014 سے سرکاری سکیورٹی فورسز اور حوثی جنگجوؤں کے درمیان مسلح تصادم کا شکار ہے۔ مارچ 2015 میں صورتحال اس وقت خراب ہوئی جب سعودی عرب کی قیادت میں اتحاد نے بین الاقوامی طور پر تسلیم شدہ یمنی حکومت کی حمایت سے حوثی باغیوں کے خلاف آپریشن شروع کیا تھا۔ جس کے بعد حوثیوں نے بھی جوابی کارروائی کرتے ہوئے سعودی فورسز پر حملہ کیا اور سعودی عرب پر میزائل داغے۔
یہ بھی پڑھیں: Yemen Explosion شمالی یمن میں بارودی سرنگ کے دھماکے میں دو بچے ہلاک
یو این آئی
