کیپ ٹاؤن: جنوبی افریقہ میں املازی شہر کے ایک ہاسٹل میں فائرنگ کی واردات کے نتیجے میں سات لوگوں کی موت ہوگئی اور دو دیگر زخمی ہو گئے۔ یہ اطلاع پولس نے ہفتہ کی دیر شام کو دی ہے۔ پولیس کے مطابق املازی میں آج صبح 02:45 پر، 20 سے 40 سال کے درمیان کی عمر کے نو افراد، گلی بیلینڈز ہاسٹل کے بلاک 57 کے ایک کمرے میں شراب پی رہے تھے، اسی دوران نامعلوم مسلح افراد نے ان پر فائرنگ کر دی اور موقع سے فرار ہوگئے۔ متاثرین میں سے 7 کی جائے وقوعہ پر ہی موت ہوگئی جب کہ دو کو شدید زخمی حالت میں اسپتال منتقل کیا گیا۔ پولیس نے ایک بیان میں کہا کہ فی الحال فائرنگ کی وجہ معلوم نہیں ہوسکا ہے۔ بیان میں کہا گیا ہے کہ واقعے کی چھان بین شروع کردی گئی ہے۔
واضح رہے کہ اس سے قبل جنوری 2023 میں جنوبی افریقہ میں فائرنگ کا معاملہ سامنے آیا تھا۔ جنوبی افریقہ کے ایک قصبے میں مسلح افراد نے سالگرہ منا رہے لوگوں کے ایک گروپ پر فائرنگ کر دی۔ اس حملے میں آٹھ افراد ہلاک ہو گئے تھے۔ تین دیگر زخمی ہوئے۔ پولیس نے یہ جانکاری دی۔ اس حملے میں سالگرہ منانے والے شخص کی بھی موت ہو گئی۔ یہ سالگرہ جنوبی بندرگاہی شہر گیکیبیرا میں منائی جا رہی تھی۔ پولیس نے ایک بیان میں کہا، "گھر کا مالک اپنی سالگرہ کا جشن منا رہا تھا تبھی دو نامعلوم مسلح افراد صحن میں داخل ہوئے اور مہمانوں پر فائرنگ شروع کر دی۔" پولیس نے کہا، "مسلح افراد نے مہمانوں پر اندھا دھند فائرنگ کی۔ اس حملے میں آٹھ افراد ہلاک ہو گئے۔
یہ بھی پڑھیں: Chicago Shooting شکاگو میں گولی باری سے نو افراد کی موت
یو این آئی
