خبر رساں ایجنسی اے ایف پی نے مقامی اہلکار کے حوالے سے بتایا ہے کہ 'انڈونیشیا کے جزیرے جاوا میں آنے والے زلزلے میں تقریباً 46 افراد ہلاک اور کم از کم 700 زخمی ہو گئے ہیں۔
موسم اور جیو فزکس ایجنسی نے بتایا کہ پیر کے روز انڈونیشیا کے دارالحکومت جکارتہ میں 5.6 شدت کے زلزلے نے کئی سیکنڈ تک ہلچل مچا دی۔ زلزلے کا مرکز جکارتہ سے 75 کلومیٹر جنوب مشرق میں مغربی جاوا میں میں 10 کلومیٹر (6.2 میل) کی گہرائی میں تھا۔ ایجنسی نے کہا کہ سونامی کا کوئی امکان نہیں ہے۔ کچھ لوگوں نے جکارتہ کے مرکزی کاروباری ضلع میں دفاتر خالی کر دیے جب کہ دوسروں نے عمارتوں کو لرزنے اور فرنیچر کو ہلتے ہوئے محسوس کیا۔
