اسلام آباد، 28 مارچ یواین آئی پاکستان میں خیبر پختونخوا کے ضلع اپردیر میں مسافر وین گہری کھائی میں جاگری جس کے نتیجے میں 7 افراد ہلاک اور 8 زخمی ہو گئے۔ Road Accident in Pakistan پولیس کے مطابق حادثہ اپردیر کے علاقے پتراک چالال کے مقام میں پیش آیا، حادثے کی شکار وین مردان سے کلکوٹ جا رہی تھی کہ راستے میں حادثے کا شکار ہوکر کھائی میں جاگری۔ پولیس کا کہنا ہے کہ مسافر وین گہری کھائی میں گرنے سے 7 افراد جاں بحق جب کہ 8 افراد شدید زخمی ہو گئے، جاں بحق ہونے والوں میں خواتین اور بچے بھی شامل ہیں۔Road Accident in Pakistan۔
پولیس کے مطابق زخمیوں کو مقامی افراد اور پولیس نے ریسکیو کرکے ڈسٹرکٹ ہیڈ کوارٹر اسپتال پہنچایا جہاں سے شدید زخمیوں کو پشاور منتقل کر دیا گیا ہے۔ ابھی تک یہ نہیں معلوم ہو سکا کہ حادثہ کیسے ہوا۔ Road Accident in Pakistan
