کیلیفورنیا سے تعلق رکھنے والے معروف و مشہور عیسائی پادری فادر ہیلیریون ہیگی نے عیسائیت ترک کرنے کے بعد اسلام قبول کر لیا ہے۔ ہیگی، جنہوں نے اب اپنا نام تبدیل کر کے سید عبداللطیف رکھ لیا ہے، نے کہا کہ اسلام کی طرف ان کا جھکاؤ 20 سال پہلے ہوا تھا، لیکن انھوں نے حال ہی میں اسلام کو مکمل طور پر قبول کرنے کا اعلان کیا ہے۔ سید عبداللطیف، ایک امریکی پادری جو پہلے روسی آرتھوڈوکس راہب تھے، اور اپنے پیروکاروں میں مہربان، مقدس اور غیر معمولی صبر کرنے کی وجہ سے عزت حاصل کی تھی۔
سید عبداللطیف نے اپنے اسلام کے سفر کے بارے میں ایک بلاگ پوسٹ میں اعلان کیا، جس میں انھوں نے اپنے فیصلے کو اسلام کی طرف واپسی کے طور پر ظاہر کیا اور کہا کہ یہ گھر آنے کی طرح تھا۔ انھوں نے لکھا کہ کئی دہائیوں تک مختلف لمحات میں اسلام کی طرف راغب ہونے کے احساسات کے بعد، میں نے آخر کار فیصلہ کیا کہ اب میں اس مذہب میں مکمل طور پر قدم رکھوں، یہ واقعی گھر آنے کی طرح محسوس ہوتا ہے۔
-
Father Hilarion Heagy, a prominent Priest from the USA has embraced Islam! pic.twitter.com/dLSCLA1Evm
— ilmfeed (@IlmFeed) February 25, 2023 " class="align-text-top noRightClick twitterSection" data="
">Father Hilarion Heagy, a prominent Priest from the USA has embraced Islam! pic.twitter.com/dLSCLA1Evm
— ilmfeed (@IlmFeed) February 25, 2023Father Hilarion Heagy, a prominent Priest from the USA has embraced Islam! pic.twitter.com/dLSCLA1Evm
— ilmfeed (@IlmFeed) February 25, 2023
سید عبداللطیف کے بقول انہیں 20 سال پہلے سے اسلام کی چنگاری محسوس ہوئی تھی لیکن انہوں نے بتایا کہ جب انہوں نے اسلام کا اعلان کیا تو انہوں نے صحیح معنوں میں اسے قبول کیا۔ کوئی صرف عوامی، پادری، راہب اور نجی طور پر مسلمان نہیں ہوسکتا۔ عبداللطیف نے اپنی تبدیلی کے بارے میں کہا کہ یہ مشرق کی طرف واپسی اور اپنی ابتدائی شناخت کی طرف واپسی ہے۔ انہوں نے بلاگ پوسٹ میں اپنے اسلام قبول کرنے کے موقف کو مزید درست ثابت کرنے کے لیے قرآن کریم کی آیت کا حوالہ بھی دیا ہے۔ جس کا ترجمہ یہ ہے "اور یاد کرو جب تمہارے رب نے بنی آدم کی نسل سے ان کی اولاد کو نکالا اور ان کو اپنے بارے میں گواہی دی۔ اللہ نے پوچھا کیا میں تمہارا رب نہیں ہوں؟ انہوں نے جواب دیا، 'ہاں، آپ ہیں! ہم گواہی دیتے ہیں۔'، 'اب تم کو یہ حق نہیں ہے کہ قیامت کے دن تم کہو، 'ہمیں اس کا علم نہیں تھا"۔ سورہ الاعراف آیت نمبر (172)۔
یہ بھی پڑھیں:
انھوں نے مزید لکھا کہ مستقبل میرے لیے غیر یقینی ہے۔ جب آپ اندھیرے میں چھلانگ لگاتے ہیں تو ہمیشہ خوف رہتا ہے لیکن پھر بھی، مجھے ایسا سکون محسوس ہو رہا ہے جس میں امن، خوشی اور راحت ہے۔ بیس سالوں میں اسلام کی طرف میرا جھکاؤ بالآخر مجھے گھر لے گئی۔ اب ایمان کی گہرائی میں داخل ہونے کا کام شروع ہوتا ہے۔ ایک گہری تعلیم، دین سے محبت، امت سے محبت، نبی کریم صلی اللہ علیہ وسلم سے محبت۔ عبداللطیف نے مزید کہا کہ جب سے انہوں نے اسلام قبول کرنے کی خبر کا اعلان کیا ہے تو انہیں مسلمانوں کی طرف سے دلی پیغامات موصول ہو رہے ہیں۔میں نے مسلم کمیونٹی کی طرف سے جو گرمجوشی اور مہمان نوازی دیکھی اور حاصل کی ہے وہ غیر معمولی ہے، میں نے کبھی ایسی مہمان نوازی کا تجربہ نہیں کیا۔ دراصل صوشل میڈیا پر سابق عیسائی پادری کے اسلام قبول کرنے پر بہت سے صارفین نے ان کے اس سفر پر نیک خواہشات کا اظہار کر رہے ہیں۔
