وزیراعظم نریندر مودی نے منگل کو برطانیہ کے بادشاہ چارلس سوم کے ساتھ ٹیلی فونک بات چیت کی۔ برطانیہ کا عہدہ سنبھالنے کے بعد وزیر اعظم کی بادشاہ چارلس کے ساتھ یہ پہلی بات چیت ہے۔ وزیر اعظم مودی اور کنگ چارلس کے درمیان ماحولیات، حیاتیاتی تنوع کے تحفظ اور توانائی کی منتقلی کی مالی اعانت سے متعلق امور پر تبادلہ خیال کیا گیا۔ اس کے علاوہ، بھارت کی جی ٹوئنٹی صدارت، مشن لائف کی مطابقت پر بھی بات چیت ہوئی۔ وزیراعظم مودی نے خود ٹویٹ کرکے اس کی معلومات دی۔ PM Modi speaks to King Charles
وزیراعظم کے ٹویٹ کے مطابق، مودی اور کنگ چارلس نے بات چیت کے دوران دولت مشترکہ ممالک کے کام کاج کو مزید مضبوط بنانے کے طریقوں پر تبادلہ خیال کیا۔ انہوں نے برطانیہ میں بھارتی برادری کے کردار کی بھی ستائش کی، جس میں دونوں ممالک کو مل کر بہتر طریقے سے کام کرنے اور دوطرفہ تعلقات کو تقویت دینے میں مدد کی ہے۔اس دوران پی ایم مودی نے بادشاہ چارلس کو ایک بہت ہی کامیاب دور حکومت کے لیے نیک خواہشات بھی پیش کیں۔
وزیراعظم مودی نے کنگ چارلس کو جی 20 چیئرمین شپ کے لیے بھارت کی ترجیحات کے بارے میں بھی آگاہ کیا۔ انہوں نے مشن لائف (ماحول کے لیے طرز زندگی) کی مطابقت کے بارے میں بھی بات کی، جس کے ذریعے بھارت ماحولیاتی طور پر پائیدار طرز زندگی کو فروغ دینے کی کوشش کر رہا ہے۔ گزشتہ سال نومبر کے مہینے میں پی ایم مودی اور برطانیہ کے وزیراعظم رشی سنک کی ملاقات ہوئی تھی۔
