مغربی کنارے میں اسرائیلی فوجیوں کے ساتھ جھڑپوں میں ایک فلسطینی نوجوان جاں بحق اور 90 سے زائد مظاہرین زخمی ہو گئے ہیں۔ فلسطینی وزارت صحت نے ایک بیان میں کہا کہ 15 سالہ زید غنیم کو بیت لحم کے قریب الخدر شہر میں جھڑپ کے دوران اسرائیلی فوجیوں نے گردن اور کمر میں گولی ماری۔Palestinian Teen Killed by Israeli Forces
فلسطین کی ریڈ کراس سوسائٹی نے کہا کہ مغربی کنارے کے نابلس صوبے میں اسرائیلی فوجیوں کے ساتھ جھڑپوں میں 90 فلسطینی زخمی ہوئے۔ ان میں سے 10 کو گولیوں سے زخم آئے۔
یہ بھی پڑھیں: امریکا اور یورپی یونین کی شدید تنقید کے باوجود اسرائیل نے 3130 مکانات تعمیر کرنے کا منصوبہ بنایا
قابل ذکر ہے کہ فلسطینی جمعہ کو اسرائیلی حکومت کی بستیوں میں توسیع اور اراضی ضبط کرنے کی پالیسیوں کے خلاف ہفتہ وار ریلیاں اور احتجاجی مظاہرے کرتے ہیں لیکن زیادہ تر یہ مظاہرے تنازعات میں بدل جاتے ہیں۔ اسرائیل نے دو ہفتے قبل 4000 سے زائد ہاؤسنگ یونٹس کی منظوری دی تھی۔
