اسلام آباد: پاکستان کے صدر ڈاکٹر عارف علوی نے قومی احتساب بیورو(نیب) کے وسیع اختیارات کو ختم کرنے کی کوشش کے حوالے سے بل اور الیکشن ترمیمی بل Pakistan Election Amendment Bill 2022 وزیراعظم کو واپس بھیجتے ہوئے نظرثانی کی ہدایت دی۔ صدر نے کہا کہ ان بلوں پر نظرثانی کی جائے اور پارلیمنٹ اور متعلقہ کمیٹیاں اس پر مشاورت کریں۔
قابل ذکر ہے کہ پاکستان تحریک انصاف (پی ٹی آئی) حکومت کے الیکٹرونک ووٹنگ مشین (ای وی ایم) کے استعمال اور بیرونی پاکستانیوں کے لیے آئی ووٹنگ کے انتخابی قوانین کو بدلنے کے لیے شہباز شریف کی پارلیمنٹ نے ایک بل منظور کیا تھا اس کے علاوہ قومی احتساب بیورو (نیب ) کے وسیع اختیارات کو ختم کرنے کی کوشش کے حوالے سے ایک دوسرا بل بھی منظور کیا تھا۔ پاکستانی میڈیا کے مطابق دونوں بل نیشنل اسمبلی اور سینیٹ کے ذریعہ پچھلے مہینے پاس کئے گئے تھے اور صدر کی منظوری کا انتظار کررہے تھے۔
صدر علوی نے بلوں کو یہ کہتے ہوئے واپس کردیا کہ یہ آئین کے آرٹیکل 46 کی خلاف ورزی کی ہے۔ صدر سکریٹریٹ کے ایک بیان میں کہا گیا ہے کہ پارلیمنٹ لانے سے پہلے صدر کو اس بارے میں مطلع نہیں کیا گیا تھا۔
یہ بھی پڑھیں: Pakistan Election Amendment Bill 2022: پاکستان کی قومی اسمبلی نے ای وی ایم کا استعمال ختم کر دیا
