نیکوس کرسٹوڈولائڈس نے قبرص کے نئے صدر کے طور پر حلف لیا اور وعدہ کیا کہ قبرص کے دیرینہ مسئلے کا حل تلاش کرنا ان کی اولین ترجیح ہوگی۔ منگل کو پارلیمنٹ کے خصوصی اجلاس سے پہلے حلف برداری کی تقریب ان کی پانچ سالہ صدارت کے آغاز کی علامت ہے۔ صدر کرسٹوڈولائڈس نے 12 فروری کو 52 فیصد ووٹ کے ساتھ جیت حاصل کی تھی۔ ان کی نئی کابینہ میں تمام وزراء بغیر کسی پارٹی وابستگی کے ٹیکنوکریٹس ہوں گے۔ اس پر تین چھوٹی جماعتوں اور دائیں بازو کی جماعتوں کے ساتھ انتخابی مہم کے دوران اتفاق ہوا اور انہوں نے ان کی حمایت کی۔
ملک کے نئے وزیر خارجہ کونسٹنٹینوس کومبوس ہوں گے، جو قبرص کی اسٹیٹ یونیورسٹی میں عوامی اور آئینی قانون کے پروفیسر ہیں۔ انہوں نے کہا کہ قبرص کے مسئلے کا حل میری اولین ترجیح ہے۔ حل کے لیے یونانی اور ترک قبرص کے درمیان تقریباً نصف صدی قبل شروع ہوئی بات چیت، جولائی 2017 میں سوئٹزرلینڈ میں اقوام متحدہ کی زیر قیادت (یواین) بین الاقوامی کانفرنس کے دوران رک گئی تھی۔ جب دونوں فریق ایک وفاقی ریاست کے لیے اقوام متحدہ کی ثالثی کے حل پر متفق ہونے میں ناکام رہے۔
واضح رہے کہ یہ پہلی بار ہوا ہے کہ کسی امیدوار نے دو اہم سیاسی گروپوں، قدامت پسند DISY اور کمیونسٹ AKEL کی حمایت کے بغیر صدارت کا عہدہ حاصل کیا ہے۔
یواین آئی۔
