واشنگٹن: صدر جو بائیڈن کی جانب سے وزیر اعظم نریندر مودی کے اعزاز میں وائٹ ہاؤس کے ساؤتھ لان میں اسٹیٹ ڈنر کا اہتمام کیا گیا ریلائنس انڈسٹریز کے چیئرمین مکیش امبانی اپنی اہلیہ نیتا امبانی کے ساتھ سرکاری ضیافت میں پہنچے تقریباً 400 مہمانوں نے ریاستی عشائیہ میں شرکت کی، جن میں صنعتی شخصیات آنند مہندرا، سندر پچائی اور اندرا نوئی شامل تھے اس سے پہلے پی ایم مودی نے امریکی کانگریس کے مشترکہ اجلاس سے خطاب کیا۔ ا س دوران امریکی قانون ساز پی ایممودی کا استقبال کرنے کے لیے کھڑے ہوئے اور مودی، مودی کے نعرے لگائے۔ ان میں وزیر اعظم نریندر مودی کے ساتھ سیلفی لینے کا مقابلہ ہوا۔ پارلیمنٹ کے ممبران ہندوستان کے وزیر اعظم کا آٹو گراف لینے کے لیے قطار میں کھڑے رہے۔
مہمانوں کے لیے تیار کردہ مینو میں میرینیٹ شدہ جوار، مکئی کا سلاد اور بھرے ہوئے مشروم شامل تھے۔ سرکاری عشائیہ میں مہمانوں کو پہلے میرینیٹ شدہ جوار، کوب سلاد، تربوز اور ایک ٹینگی ایوکاڈو چٹنی پیش کی گئی۔ وہیں، کھانوں میں بھرے ہوئے پورٹوبیلو مشروم اور کریمی زعفران سے بھرے ریسوٹو شامل ہیں۔ مہمانوں کی فہرست میں بھارت کے ارب پتی مکیش امبانی اور ان کی اہلیہ نیتا امبانی، مہندرا گروپ کے چیئرمین آنند مہندرا، مشہور فلمساز ایم نائٹ شیاملن، گوگل کے سی ای او سندر پچائی، مشہور فیشن ڈیزائنر راف لارین، سابق ٹینس لیجنڈ بلی جین کنگ، مائیکرو سافٹ کے سی ای او ستیہ ناڈیلا وغیرہ شامل تھے۔
یہ بھی پڑھیں: Modi Biden Bilateral Talks وائٹ ہاؤس میں پی ایم مودی کی صدر جو بائیڈن سے دوطرفہ بات چیت
یو این آئی
