کھٹمنڈو: نیپال کے اچھام ضلع میں جمعہ کی صبح سے مسلسل بارش کے باعث رات کے وقت تودے گرنے سے کم از کم 17 افراد کی موت اور پانچ دیگر لاپتہ ہو گئے۔ ایک مقامی اہلکار نے ہفتہ کو یہ اطلاع دی۔ سرکاری ذرائع کے مطابق ضلع میں کل صبح سے مسلسل بارش ہونے کی وجہ سے رات میں مٹی کے تودے گرنے کا واقعہ پیش آیا۔ اس دوران، دور مغربی نیپال میں ضلع کے تین مختلف حصوں میں کچھ مکانات مٹی کے تودوں کی زد میں آ گئے۔Landslides in Nepal
ضلع کے ایک افسر من راج اچاریہ نے کہا ریسکیو ٹیموں نے 17 لوگوں کی لاشیں نکال لی ہیں اور 11 زخمیوں کو موقع سے بچا لیا ہے۔ پانچ لاپتہ افراد کی تلاش جاری ہے۔ انہوں نے کہا کہ فوج اور پولیس کو ریسکیو آپریشن کے لیے تعینات کیا گیا ہے۔ اچاریہ نے بتایا کہ زخمیوں میں سے تین کی حالت نازک ہے اور انہیں علاج کے لئے بذریعہ ہوائی جہاز پڑوسی صوبے میں لے جایا گیا ہے۔ ہمالیائی ملک ہونے کے ناطے نیپال میں مانسون کے دوران لینڈ سلائیڈنگ اور اچانک سیلاب جیسی قدرتی آفات کا خدشہ رہتا ہے۔
یو این آئی
