یروشلم: اسرائیل کے قومی سلامتی کے مشیر زاچی ہنیگبی نے کہا ہے کہ اسرائیل بین الاقوامی عدالت انصاف (آئی سی جے) میں جنوبی افریقہ کی طرف سے شروع کی جانے والی کارروائی کا "بائیکاٹ نہیں کرے گا"۔ ہنیگبی نے وائی نیٹ کو بتایا کہ اسرائیل "نسل کشی کنونشن پر ایک دیرینہ دستخط کنندہ" ہے۔ انہوں نے مزید کہا کہ "ہم اس میں حصہ لیں گے اور اس مضحکہ خیز الزام کی تردید کریں گے جو خونریزی کے مترادف ہے۔"
ہنیگبی نے وائی نیٹ کو بتایا کہ، "یہودی لوگوں نے کسی بھی دوسری قوم کے مقابلے میں نسل کشی کا زیادہ گہرا تجربہ کیا ہے، ہمارے چھ ملین لوگوں کو بے دردی سے قتل کیا گیا تھا"۔ ہنیگبی نے 7 اکتوبر کے حماس کے حملے کو اسی طرح کا ظلم قرار دیتے ہوئے مزید کہا کہ "اس بار ہمیں تباہ کرنے کی کوشش کرنے والوں کے خلاف اپنا دفاع کی صلاحیت ہے،"
یہ بھی پڑھیں:جنوبی افریقہ نے آئی سی جے میں اسرائیل پر غزہ میں نسل کشی کا مقدمہ دائر کیا
واضح رہے جنوبی افریقہ نے جمعہ کو اقوام متحدہ کی اعلیٰ عدالت میں ایک مقدمہ دائر کیا ہے۔ اس میں اسرائیل پر غزہ میں فلسطینیوں کے خلاف نسل کشی کا الزام لگایا گیا ہے اور عدالت سے اپیل کی گئی ہے کہ وہ اسرائیل کو اپنے حملے روکنے کا حکم دے۔ اسرائیل کے خلاف غزہ جنگ کے دوران اس طرح کا یہ پہلا مقدمہ ہے۔ اسرائیل نے سختی سے کیس کی فائلنگ کو مسترد کر دیا ہے۔ جنوبی افریقہ کی جانب سے بین الاقوامی عدالت انصاف میں دائر کیس میں اسرائیل کی طرف سے کیے گئے اقدامات اور نسل کشی پر روشنی ڈالی گئی ہے۔ اپیل میں اسرائیل کو غزہ میں فلسطینیوں کو تباہ کرنے کے ارادے کے لیے پرعزم بتایا گیا ہے
