ریاض: سعودی عرب میں اشیائے خوردونوش اور ٹرانسپورت کے اخراجات میں پچھلے سال کے مقابلے میں تین فیصد اضافہ ہو گیا ہے۔ یہ اضافہ ماہ اگست کے دوران ہوا ہے۔ اس بارے میں سرکاری طور پر اعداد و شمار جاری کیے گئے ہیں۔ ماہ جولائی میں یہ اضافہ دو اعشاریہ سات فیصد تھا۔ اعداد وشمار میں بتایا گیا ہے کہ خوارک، مشروبات کی قیمتوں اور ٹرانسپورٹ کے کرائے اس اضافے کا اہم سبب بنے ہیں۔ کیونکہ ماہ اگست کے دوران یہی تین شعبے بنیادی طور پر افراط زر کا ذریعہ بنے ہیں۔ Inflation Peaks in Saudi Arabia
اعداد وشمار مرتب کرنے والے شعبے کے مطابق اشیائے خوردونوش اور ٹرانسپورٹ میں کے اخراجات میں چار فیصد اضافہ ریکارڈ کیا گیا ہے۔ تفصیلات کے مطابق گوشت کی قیمتوں میں چھ اعشاریہ سات فیصد اضافہ ہوا ہے۔ اس وجہ سے خوراک اور مشروبات کا اضافہ صارفین تک پہنچتے پہنچتے اٹھارہ اعشاریہ آٹھ فیصد تک چلا گیا۔ اگست کے دوران قیمتوں میں اضافہ 0،4 فیصد تھا۔
یہ بھی پڑھیں: Online Business in Saudi Arabia سعودی عرب میں آن لائن کاروبار پر نئی پابندیاں
یہ معمولی طور پر ماہ جولائی کے مقابلے میں مختلف رہا۔ کہ جولائی میں یہ اضافہ 0،5 فیصد تھا۔ لیکن ماہانہ سی پی آئی خوراک اور ٹرانسپورٹ کی وجہ سے 0،8 فیصد کو چھونے لگا۔ سب سے زیادہ اضافے کا رجحان کھانے پینے سے متعلق اشیا میں آیا، یہ 0،9 فیصد تھا۔
یو این آئی
