دبئی: اگر آپ کے اکاؤنٹ میں غلطی سے رقم آگئی ہے اور آپ نے رقم واپس کرنے سے انکار کر دیا ہے تو آپ کو پریشانی ہو سکتی ہے۔ کیونکہ دبئی کی عدالت نے ایک بھارتی شخص کو اپنے اکاؤنٹ میں غلطی سے جمع کرائے گئے 1.2 کروڑ روپے واپس نہ کرنے پر ایک ماہ قید کی سزا سنائی ہے۔ ذرائع کے مطابق، دبئی کی فوجداری عدالت نے اس شخص کو اتنی ہی رقم کا جرمانہ ادا کرنے اور سزا پوری کرنے کے بعد ملک بدر کرنے کا حکم دیا۔Indian jailed in Dubai
نام ظاہر نہ کرنے والے بھارتی شخص نے عدالت کو بتایا کہ اسے رقم منتقلی کا نوٹیفکیشن موصول ہوا تھا لیکن یہ نہیں معلوم کہ رقم کہاں سے آئی۔ اس نے کہا کہ اس رقم سے میں نے اپنا کرایہ اور خرچہ ادا کیا۔ ایک کمپنی نے مجھ سے رقم واپس کرنے کو کہا، لیکن میں نے انکار کر دیا، کیونکہ مجھے یقین نہیں تھا کہ یہ رقم اس کی ہے یا نہیں۔
ذرائع کے مطابق رقم ایک میڈیکل ٹریڈنگ کمپنی نے منتقل کی تھی۔ میڈیکل ٹریڈنگ کمپنی کے ایک اہلکار نے عدالت کو بتایا کہ غلطی سے رقم کمپنی کے اکاؤنٹ سے ملتے جلتے دوسرے اکاؤنٹ میں جمع ہوگئی۔
ملزم نے رقم واپس کرنے سے انکار کیا تو کمپنی نے واقعے کی اطلاع الرفاہ پولیس اسٹیشن کو دی۔ جس کے بعد دبئی پبلک پراسیکیوشن نے اس پر غیر قانونی طور پر رقم وصول کرنے کا الزام لگایا۔ملزم، جس کا بینک اکاؤنٹ منجمد کر دیا گیا ہے، نے اپنا الزام قبول کیا اور دعویٰ کو نمٹانے کے لیے وقت مانگا، لیکن اس کی درخواست کو خارج کر دیا گیا۔ جس کے بعد سزا یافتہ شخص نے فیصلے کے خلاف اپیل کر رکھی ہے اور آئندہ ماہ سماعت متوقع ہے۔
