نیوارک: نیو جرسی کے ایک امام کو آج صبح طلوع ہونے سے پہلے مسجد کے باہر فائرنگ کرکے ہلاک کر دیا گیا۔ حکام فائرنگ کرنے والے شخص کی تلاش کررہی ہے۔ پولیس حکام نے کہا کہ انہیں ابھی تک اس بات کا کوئی ثبوت نہیں ملا ہے کہ مسلم مخالف تعصب کی وجہ سے فائرنگ کی گئی ہو۔
ایسیکس کاؤنٹی کے پراسیکیوٹر ٹیڈ سٹیفنز نے ایک نیوز کانفرنس میں کہا کہ مسجد کے امام حسن شریف اپنی گاڑی میں تھے جب انہیں صبح 6 بجے کے قریب ریاست کے سب سے بڑے شہر نیوارک میں مسجد محمد کے قریب ایک سے زائد مرتبہ ان پر گولیاں چلائی گئیں۔ انہیں فورا قریبی اسپتال لے جایا گیا لیکن دوپہر میں ان کی ہلاکت ہوگئی۔
اٹارنی جنرل میٹ پلاٹکن نے کہا کہ "میں جانتا ہوں کہ ہم اپنی ریاست میں عالمی واقعات کی روشنی میں اور مسجد کے امام کے قتل کی خبر پر بہت سی کمیونٹیز کے ساتھ تعصب بالخصوص مسلمانوں کے ساتھ تعصب میں اضافے کے ساتھ اس وقت نیو جرسی میں بہت سے ایسے لوگ ہیں جو خوف یا اضطراب محسوس کر رہے ہیں"۔
پلاٹکن نے کہا کہ ان سب کے باوجود قانون نافذ کرنے والے اداروں نے عبادت گاہوں بالخصوص یہودیوں اور مسلمانوں تک رسائی کو بڑھا دیا ہے۔ غزہ میں 7 اکتوبر 2023 کو اسرائیل پر حماس کے حملے کے بعد سے دنیا کے کئی حصوں میں پھیلنے والی کشیدگی کو واضح طور پر محسوس کیا گیا ہے۔
مزید پڑھیں: امریکہ میں فائرنگ، ایک کمسن لڑکے سمیت چار افراد ہلاک
نیویارک پبلک سیفٹی کے ڈائریکٹر فرٹز فریگ نے کہا کہ حسن شریف پانچ سال سے مقامی مسجد میں امامت کے فرائض انجام دے رہے تھے۔ انہوں نے امام کو بین المذاہب کمیونٹی کے ایک رہنما کے طور پر یاد کیا جنہوں نے شہر کو محفوظ رکھنے کے لیے متعدد خدمات انجام دی اور لوگوں میں بھائی چارہ پیدا کرنے کے لئے کام کیا۔ انہوں نے کہا کہ "ہم آپ کا درد بانٹتے ہیں اور ہم وعدہ کرتے ہیں کہ یہاں کے لوگوں کے لئے مکمل وسائل کو بروئے کار لائیں گے جو اس گھناؤنے جرم کو حل کرنے کو یقینی بنانے کے لیے ہمارے ساتھ شراکت داری جاری رکھے ہوئے ہیں"۔
