اقوام متحدہ کے سکریٹری جنرل انٹونیو گوٹیرس نے یوکرین کے صدر ولادیمیر زیلنسکی کے ساتھ فون پر بات کی اور بحیرہ اسود کے اناج اقدام کے مستقبل اور کم ازکم ترقی یافتہ ممالک پر اس کے اثرات کو بہتر بنانے کے طریقوں پر تبادلہ خیال کیا۔ گوٹیرس کے نائب ترجمان فرحان حق نے جمعرات کو کہا: "ان کی بحث کا بنیادی نکتہ یہ ہے کہ وہ اس بات کو یقینی بنانا چاہتے ہیں کہ جس طرح کی خوراک امداد پہل کے ذریعہ بحیرہ اسود کے پاربھیجی جارہی ہے، وہ نہ صرف عالمی خوراک کی قیمتوں کو کم کرنے کے قابل ہو، جو اہم ہے، بلکہ کم از کم ترقی یافتہ ممالک کو ریلیف دینے کے قابل بھی ہو۔" Guterres Phone Call With Zelensky
فرحان حق نے تاہم دونوں رہنماؤں کے درمیان ہونے والی بات چیت کے بارے میں مزید تفصیلات نہیں بتائیں۔ گوٹیرس نے جمعرات کو بلیک سی گرین انیشی ایٹیوکے 120 دنوں کے لیے تجدید کا خیر مقدم کیا۔ ترکی اور اقوام متحدہ کے درمیان 22 جولائی کو ہونے والے معاہدے کی ابتدائی مدت 120 دن ہے اور یہ 19 نومبر کو ختم ہو رہی ہے۔ روس اور یوکرین نے جمعرات کو بحیرہ اسود کی بندرگاہوں سے اناج اور کھاد کی برآمد کے معاہدے میں مزید 120 دن کی توسیع پر اتفاق کیا ہے۔
یہ بھی پڑھیں: Erdogan Phone Call With Zelensky اردوغان زیلنسکی نے اناج کی برآمد کے معاہدے پر تبادلہ خیال کیا
یو این آئی
