برلن: جرمن چانسلر اولاف شولز نے کہا ہے کہ ان کا ملک یوکرین میں زراعت، صحت کے شعبے اور توانائی کے نیٹ ورکس کی بحالی سمیت دیگر شعبوں میں مدد کا وعدہ کرتا ہے۔ شولز نے پیر کو دارالحکومت برلن میں جرمن یوکرائنی بزنس فورم کے افتتاح کے موقع پر کہا کہ ہم اپنے شراکت داروں کے ساتھ جب تک ضرورت ہو گی یوکرین کی حمایت کریں گے۔ انہوں نے کہا کہ ملک میں ان خدمات کو بحال کرنے میں ایک نسل کا کام درکار ہوگا۔ German Chancellor vows to help rebuild Ukraine
عالمی بینک، یورپی یونین (ای یو) اور یوکرین کی حکومت کی طرف سے گزشتہ ماہ جاری کردہ ایک تجزیے کے مطابق، یوکرین کی تعمیر نو پر 349 ارب امریکی ڈالرخرچ ہونے کا اندازہ ہے۔ یہ اعدادوشمار روس کے ساتھ تنازع شروع ہونے سے پہلے یوکرین کی مجموعی گھریلو پیداوار (جی ڈی پی) کے ڈیڑھ گنا کے برابرہے۔
یہ بھی پڑھیں: Israeli PM On Iran روس کی جانب سے یوکرین میں ایرانی ساختہ ڈرون استعمال کیا جارہا ہے، اسرائیلی وزیراعظم
چانسلر نے وعدہ کیا کہ جرمن کمپنیاں یوکرین میں سرمایہ کاری کریں گی۔ اس بات پر زور دیا کہ کوئی بھی یوکرین کی تعمیر نو میں سرمایہ کاری کرتا ہے وہ آج مستقبل کے یورپی یونین کے رکن ریاست میں سرمایہ کاری کرتا ہے۔ انہوں نے کہا کہ جرمنی یوکرین کے یورپی یونین میں شمولیت کی حمایت کے لیے پرعزم ہے۔
یو این آئی
