ٹوکیو: جاپان اگلے سال مئی میں ہیروشیما میں ہونے والی جی-7 چوٹی کانفرنس G7 Summit کی میزبانی کرسکتا ہے۔ کیوڈو خبررساں ایجنسی نے سرکاری ذرائع کے حوالے سے بتایا ہے کہ رواں ماہ کے آخر میں جرمنی میں ہونے والی جی-7 چوٹی کانفرنس کے دوران، جاپان سال 2023 میں ہیروشیما چوٹی کانفرنس کے پروگرام کا اعلان کرنے کا منصوبہ بنا رہا ہے۔
گروپ کے دیگر ممالک کو پہلے ہی جاپان کے 2023 اجلاس کی میزبانی کے ارادے سے آگاہ کر دیا گیا ہے۔ ذرائع نے بتایا کہ جاپانی وزیراعظم فومیو کیشیدا جی 7 کے دیگر لیڈران کے ساتھ جوہری تخفیف اسلحہ کی سمت میں کام کرنے کے لیے تیار ہیں۔ پچھلے مہینے، جاپانی چیف کیبنٹ سیکرٹری ہیروکازو ماتسونو نے اعلان کیا تھاکہ اس گروپ کے تمام اراکین نے ہیروشیما میں چوٹی کانفرنس کے انعقاد کی حمایت کی تھی۔ واضح رہے کہ جی 7 سربراہی اجلاس میں برطانیہ، کینیڈا، فرانس، جرمنی، اٹلی، جاپان اور امریکہ شامل ہیں (یو این آئی)
یہ بھی پڑھیں:
