پاکستان میں جاری سیاسی بحران کے درمیان ہفتے کے روز لاہور کی ایک ضلعی عدالت District Court of Lahore کے جج نے متعلقہ حکام کو حکم دیا کہ وہ وزیراعظم شہباز شریف، ان کے صاحبزادے و وزیر اعلیٰ پنجاب حمزہ شہباز، وزیر داخلہ رانا ثناء اللہ اور دیگر سینئر پولیس حکام کے خلاف فرسٹ انفارمیشن رپورٹ (ایف آئی آر) درج کریں۔پاکستانی میڈیا کے مطابق، وزراء پر آزادی مارچ کے دوران پاکستان تحریک انصاف (پی ٹی آئی) کے کارکنوں کو زخمی کرنے اور تشدد کا نشانہ بنانے کا مقدمہ درج کیا گیا ہے۔
اس سے قبل ایک ایڈیشنل ڈسٹرکٹ اینڈ سیشن جج نے ایس ایچ او بھاٹی گیٹ تھانے کو وزیر داخلہ رانا ثناء اللہ، سی سی پی او لاہور اور ڈی آئی جی آپریشنز سمیت 8 پولیس اہلکاروں کے ساتھ ساتھ وکلاء پر حملہ کرنے اور ان کی گاڑیوں کو نقصان پہنچانے پر 400 نامعلوم اہلکاروں کے خلاف فوجداری مقدمہ درج کرنے کی ہدایت کی تھی۔
درخواست گزار افضل عظیم ایڈووکیٹ نے کہا کہ اعلیٰ پولیس اہلکاروں نے پی ٹی آئی کے حامیوں پر تشدد کیا اور انہیں پارٹی کے لانگ مارچ میں شامل ہونے سے روکنے کے لیے لاٹھی اور آنسو گیس کا استعمال کیا، انہوں نے مزید کہا کہ یہ ایک سنگین جرم ہے جس میں قانون نافذ کرنے والے اہلکاروں نے شہریوں پر تشدد کیا جبکہ احتجاج کرنا ان کا جمہوری حق ہے۔ لانگ مارچ میں ہونے والے تشدد کے لیے شہباز حکومت کو ذمہ دار ٹھہراتے ہوئے، ایڈووکیٹ عظیم نے اپنی درخواست میں موقف اختیار کیا کہ پولیس کے اعلیٰ افسران نے 'وزیراعظم، صوبائی وزیر اعلیٰ اور وزیر داخلہ کی خواہش پر' یہ جرم کیا۔
یہ بھی پڑھیں:
Treason Case Against Imran Khan: پاکستان حکومت عمران خان کے خلاف غداری کا مقدمہ درج کرسکتی ہے
قابل ذکر ہے کہ عمران اور ان کی پارٹی کے دیگر رہنماؤں کے خلاف توڑ پھوڑ کے الزام میں اسلام آباد کے متعدد تھانوں میں 14 مقدمات درج کیے گئے تھے، تاہم، اسلام آباد ہائی کورٹ کے چیف جسٹس نے پاکستان تحریک انصاف کے رہنما کی 25 جون تک ضمانت منظور کر لی اور بعد ازاں یہ احکامات عدالت کو بھجوا دیے۔
آزادی مارچ کو پرامن مظاہرہ قرار دیتے ہوئے معزول رہنما نے موجودہ حکومت سے طاقت کے بے تحاشہ استعمال، آنسو گیس کے کیمیکل شیلوں کے استعمال، لاٹھی چارج، فائرنگ، شیلنگ، ربڑ کی گولیوں نے لوگوں کے بنیادی حقوق کو توڑ دیا۔
