Brazil Floods برازیل میں بارش اور طوفان سے ہلاکتوں کی تعداد میں اضافہ

برازیل کی ساؤ پالو ریاست بارش اور طوفان سے متاثر ہے۔ بارش اور طوفان کی وجہ سے یہاں 54 افراد ہلاک ہو چکے ہیں۔ راحت اور بچاؤ کا کام جاری ہے۔ Flood in Sao Paulo

برازیلیا: برازیل کی جنوب مشرقی ریاست ساؤ پالو کے شمالی ساحل پر آنے والے طوفان اور بارش سے مرنے والوں کی تعداد بڑھ کر 54 ہو گئی ہے اورہفتے کے آخر میں تلاش اور بچاؤ کا کام جاری ہے۔ برازیل کے میڈیا نے یہ اطلاع دی۔ پچھلی رپورٹس میں مرنے والوں کی تعداد 46 اور لاپتہ افراد کی تعداد 49 بتائی گئی تھی۔ جی 1 نیوز ایجنسی نے اطلاع دی ہے کہ ساؤ سیباسٹیاؤ کی میونسپلٹی کو سب سے زیادہ نقصان پہنچا ہے۔ وہاں 54 میں سے 53 لوگوں کی موت کی تصدیق ہو چکی ہے۔ رپورٹ میں کہا گیا ہے کہ اہلکار نے 38 مرنے والوں کی شناخت کی تصدیق کی، جن میں سے 13 بچے تھے۔ 30 لاپتہ افراد کی تلاش اور امدادی کارروائیاں جاری ہیں۔

ساؤ پالو میں گزشتہ ہفتے کے آخر میں، کچھ علاقوں میں ریکارڈ 600 ملی میٹر بارش ہوئی۔ ریسکیو آپریشنز بنیادی طور پر ساؤ سیبسٹیاؤ کے جنوبی ساحل پر مرکوز ہیں۔ ساؤ پالو حکام کے مطابق سیلاب اور لینڈ سلائیڈنگ کی وجہ سے خطے میں 766 افراد بے گھر ہوئے اور متاثرہ علاقوں سے 1730 افراد کو نکالا گیا۔ ساؤ پالو کے گورنر ٹارسیسیو گومز ڈی فریٹاس نے ریاست کی متعدد بلدیات میں ہنگامی حالت کا اعلان کر دیا ہے۔ روسی صدر ولادیمیر پوتن نے پیر کو ساؤ پالو میں سیلاب پر برازیل کے صدر لوئیز اناسیو لولا ڈا سلوا سے تعزیت کا اظہار کیا۔ جانکاری کے مطابق برازیل میں کئی سیاح بھی پھنسے ہوئے ہیں۔

یو این آئی