ابوجا: نائجیریا کے جنوبی صوبے کراس ریور میں کم از کم 10 گاؤں میں ہیضہ پھیلنے سے مرنے والوں کی تعداد 20 سے بڑھ کر 51 ہو گئی ہے۔ اتوار اور پیر کے دوران صوبے میں ہیضے کے مزید 31 متاثرین کی موت ہوگئی۔ سب سے زیادہ متاثرہ کراس ریور میں ابی لوکل گورنمنٹ ایریا کے ہیں۔ ایکوریک کمیونٹی کے قبائلی سربراہ برنارڈ ایگبے نے میڈیا کو یہ اطلاع دی۔ ایگبے نے بتایا کہ ہیضے کے چار مریض مقامی اسپتالوں میں تشویشناک حالت میں ہیں۔ مقامی صحت کے حکام نے اتوار کے روز بتایا کہ ہیضے کی وبا جمعرات کو شروع ہوئی، جس کے بعد حکومت کو متاثرہ دیہاتوں میں انسانی اور مادی وسائل کو تعینات کرنا پڑا تاکہ وائرس کی بیماری کو مزید پھیلنے سے روکا جا سکے۔ cholera patients in Nigeria
کراس ریور پرائمری ہیلتھ کیئر ڈیولپمنٹ ایجنسی کے سربراہ جینیٹ ایکپیونگ نے صحافیوں کو بتایا کہ اگر متاثرہ دیہاتوں میں پروٹوکول پر عمل کیا جاتا تو اموات کم ہو سکتی تھیں۔ انہوں نے مزید کہا کہ حکومت نے اس وباء پر قابو پانے کے اقدام کے طور پر کمیونٹی لیڈروں کے ساتھ رابطہ قائم کیا ہے تاکہ اس بات کو یقینی بنایا جا سکے کہ ان کی کمیونٹیز ہیضہ اور دیگر متعلقہ بیماریوں کو ختم کرنے کے لیے صفائی کے پروٹوکول پر عمل کریں۔
یہ بھی پڑھیں: Cholera Vaccines ہیضہ سے لڑنے کیلئے اورل ویکسین کی بارہ لاکھ خوراکیں ہیتی پہنچیں
یو این آئی
