بیجنگ: چین کا مال بردار جہاز شن ہائیجو-2 جاپان کے اوکیناوا پریفیکچر میں ایشیگاکی اور کوہاما جزائر کے درمیان پھنس گیا ہے۔ جاپانی نشریاتی ادارے این ایچ کے نے منگل کو ملک کے کوسٹ گارڈ کا حوالہ دیتے ہوئے یہ معلومات دی۔ این ایچ کے نے بتایا کہ مقامی وقت کے مطابق صبح ساڑھے 9 بجے کے قریب سگنل موصول ہوا کہ چینی مال بردار جہاز طوفانی ہواؤں کے باعث جاپان کے دو جزیروں کے درمیان پھنس گیا ہے، جس کے بعد اس جہاز میں پھنسے ہوئے عملے کے 19 ارکان کو ہیلی کاپٹر کے ذریعے نکال لیا گیا۔ کسی کے زخمی ہونے کی کوئی اطلاع نہیں ہے۔ جس علاقے میں یہ واقعہ پیش آیا وہاں اب بھی تیز لہریں اور طوفانی ہوائیں چل رہی ہیں۔ میڈیا نے بتایا کہ ماہرین نے جہاز کے ڈوبنے کے امکان کو رد نہیں کیا ہے۔
یہ بھی پڑھیں: Controversial Chinese Ship چھ روز بعد چینی بحری جہاز سری لنکا کے بندرگاہ سے روانہ
یو این آئی
