واشنگٹن: امریکہ میں 6 جنوری 2021 کو کیپٹل ہل فسادات Capitol Riots کی تحقیقات کرنے والی امریکی پارلیمنٹ کی سلیکٹ کمیٹی نے کہا کہ 2020 کے امریکی صدارتی انتخابات کے نتائج کو الٹ کر اس وقت کے صدر ڈونلڈ ٹرمپ نے بغاوت کی کوشش کی تھی، جسے ثابت کرنے کے لیے ان کے پاس کافی ثبوت ہیں۔ انہیں امریکی محکمہ انصاف کے سامنے پیش کیا جائے گا۔ خلیج ٹائمز نے اپنی رپورٹ میں یہ اطلاع دی۔Enough evidence for Trump's Impeachment
کمیٹی نے اس معاملے میں گزشتہ ہفتے اپنی پہلی عوامی سماعت کی تھی۔ اب اس ہفتے ہونے والی سماعت کے دوران اضافی ثبوتوں کا انکشاف کیا جائے گا۔ اس میں بتایا جائے گا کہ کس طرح سے ٹرمپ اپنے مشیروں کے ساتھ مل کر بڑے پیمانے پر غلط معلومات پھیلانے میں مصروف رہے اور محکمہ انصاف پر اپنے جھوٹے دعوؤں کو قبول کرنے کے لیے دباؤ ڈالتے رہے۔
یہ بھی پڑھیں: کیپٹل ہل حملہ: سابق صدر ٹرمپ کے حامی کو 41 ماہ قید کی سزا
کمیٹی کے ارکان نے عندیہ دیا کہ امریکی اٹارنی جنرل میرک گارلینڈ اس پر فیصلہ کریں گے، جس کے بعد یہ طے ہوگا کہ ٹرمپ کے خلاف مزید مقدمہ چلایا جا سکتا ہے یا نہیں۔ (یو این آئی)
