افغانستان کے دارالحکومت کابل کی ایک مسجد میں جمعے کو ہونے والے زوردار دھماکے میں کم از کم 10 افراد ہلاک اور 20 زخمی ہوگئے۔ وزارت داخلہ کے نائب ترجمان بسم اللہ حبیب نے بتایا کہ 'دھماکہ دوپہر دو بجے کے قریب مغربی کابل میں واقع خلیفہ صاحب مسجد میں ہوا۔ عینی شاہدین کے مطابق مسجد میں نماز کے دوران زور دار دھماکہ ہوا۔ مقامی لوگوں نے بتایا کہ دھماکے کے بعد لوگوں کو ایمبولینسوں میں لے جاتے ہوئے دیکھا گیا۔ دھماکہ بہت زوردار تھا۔ blast in kabul sunni mosque
وزارت داخلہ کے ترجمان محمد نفی طاقور نے مزید تفصیلات فراہم نہیں کیں اور کہا کہ 'سیکورٹی اہلکاروں نے علاقے کو گھیرے میں لے لیا ہے۔ انہوں نے کہا کہ 'فوری طور پر دھماکے کا ذریعہ معلوم نہیں ہوسکا ہے اور ابھی تک کسی نے دھماکے کی ذمہ داری قبول نہیں کی ہے۔ مقامی لوگوں نے بتایا کہ دھماکہ اتنا شدید تھا کہ مسجد کے اطراف کی عمارتیں ہِل اٹھیں۔ زخمیوں کو وسطی کابل کے ایک اسپتال منتقل کیا گیا ہے۔ Powerful explosion at Kabul mosque kills at least 10 people
حالیہ ہفتوں میں کئی افغان شہری دھماکوں میں مارے گئے ہیں، جن میں سے کچھ کی ذمہ داری اسلامک اسٹیٹ نے قبول کی ہے۔ کئی حملوں میں شیعہ مذہبی اقلیتوں کو نشانہ بنایا گیا ہے، حالانکہ سنی مساجد پر بھی حملے کیے گئے ہیں۔ واضح رہے کہ جمعرات کو شمالی شہر مزار شریف میں دو مسافر وین میں بم دھماکے سے کم از کم نو افراد ہلاک ہو گئے۔ جب کہ گزشتہ جمعہ کو قندوز شہر میں نماز جمعہ کے دوران سنی مسجد میں ہونے والے دھماکے میں 33 افراد ہلاک ہو گئے تھے۔
