کینبرا: آسٹریلیا کے وزیر اعظم انتھونی البنیز نے 22 ستمبر کو ملکہ برطانیہ الزبتھ دوم کی یاد میں قومی سوگ کا اعلان کیا ہے۔ البنیز نے اتوار کے روز سوشل میڈیا پر کہا کہ "22 ستمبر کو ملکہ کے قومی یوم سوگ کے موقع پر عام تعطیل ہوگی۔' شاہی خاندان نے ہفتے کو کہا کہ ملکہ الزبتھ دوم کی تدفین 19 ستمبر کو ویسٹ منسٹر ایبی میں کی جائے گی، جس میں برطانوی شاہی خاندان اور غیر ملکی معززین نے شرکت کریں گے۔ آسٹریلوی میڈیا رپورٹس کے مطابق البنیز آخری رسومات میں شرکت کریں گے۔Australia Announces Public Holiday On sep 22
آسٹریلیا کے وزیر اعظم نے ہفتے کو کینبرا میں پارلیمنٹ ہاؤس میں ملکہ الزبتھ دوم کے مجسمے پر گلہائے عقیدت پیش کیا۔ جمعرات کی شام بکنگھم پیلس نے اعلان کیا کہ 70 سال سے زائد عرصے تک برطانیہ پر حکمرانی کرنے والی ملکہ الزبتھ دوم اسکاٹ لینڈ کے بالمورل پیلس میں 96 سال کی عمر میں انتقال کر گئیں۔ اس کا بڑا بیٹا چارلس سوم فوراً ہی برطانیہ کا نیا بادشاہ بن گیا۔ سرکاری تقریب ہفتے کو لندن کے سینٹ جیمز پیلس میں ہوئی جس میں چارلس کو برطانیہ کا نیا بادشاہ قرار دینے کا باقاعدہ اعلان کیا گیا۔
دوسری جانب حکومت ہند نے ملکہ الزبتھ دوم کے انتقال پر آج ملک بھر میں سوگ منانے کا اعلان کیا ہے۔ سوگ کے دن ملک بھر میں ان تمام عمارتوں پر قومی پرچم نصف سرنگوں رہے گا جہاں قومی پرچم باقاعدگی سے لہرایا جاتا ہے اور اس دن کوئی سرکاری تفریحی سرگرمیاں منعقد نہیں کی جائیں گی۔
یہ بھی پڑھیں: Mourning for Queen Elizabeth II ملکہ الزبتھ دوم کے انتقال پر ملک بھر میں سوگ کا اعلان
یواین آئی
