Khalistani Leader Sukha Killed in Canada کنیڈا میں مطلوب خالصتانی لیڈر کا قتل

بھارت اور کنیڈیا کے مابین سفارتی تنازع کے بیچ خالصتانی علیحدگی پسند رہنما سکھا دونیکے کینیڈا میں مارا گیا۔ دونیکے کے قتل سے محض ایک روز قبل این آئی اے نے اس کا نام انتہائی مطلب دہشت گردوں کی فہرست میں شامل کیا تھا۔ Canada India diplomatic Row

نئی دہلی: قومی تحقیقات ایجنسی (این آئی اے) کے ذرائع کے مطابق کینیڈا میں خالصتان تحریک کے ایک اہم لیڈر سکھدل سنگھ عرف سکھا دونیکے کا ایک گینگ وار میں قتل کر دیا گیا۔ دونیکے کی موت سے کینیڈا میں رہائش پذیر سِکھ برادری کو شدید صدمہ پہنچایا ہے اور اس قتل سے بھارت اور کینیڈا کے درمیان سفارتی تعلقات مزید کشیدہ ہو گئے ہیں۔ سکھا دونیکے طویل عرصے سے کینیڈا میں مقیم بدنام زمانہ گینگسٹر ارشدیپ سنگھ عرف عرش ڈالا کے ساتھ منسلک تھے اور ان دونیکے کا قتل ایک ایسے وقت میں ہوا جب بھارت کی نیشنل انویسٹی گیشن ایجنسی (این آئی اے) کی جانب سے 43 انتہائی مطلوب گینگسٹرز کی فہرست جاری کی۔ فہرست جاری ہونے کے محض 24گھنٹہ بعد ہی سکھا کا قتل ہوا۔ ذرائع کے مطابق دونیکے کی انڈر ورلڈ میں شمولیت نے اسے حریف دھڑوں (گینگ) کے لیے ایک اہم ہدف بنا دیا تھا۔

• #WATCH | Punjab | Visuals from the residence of gangster Sukhdool Singh in Moga. Reports have been coming in that he has been killed in Winnipeg, Canada in a gang land shooting but official confirmation is yet to come in.
  
  Earlier today, raids against gangsters and Khalistani… pic.twitter.com/2cRp0SW4IV

  — ANI (@ANI) September 21, 2023 " class="align-text-top noRightClick twitterSection" data="

  #WATCH | Punjab | Visuals from the residence of gangster Sukhdool Singh in Moga. Reports have been coming in that he has been killed in Winnipeg, Canada in a gang land shooting but official confirmation is yet to come in.
  
  Earlier today, raids against gangsters and Khalistani… pic.twitter.com/2cRp0SW4IV

  — ANI (@ANI) September 21, 2023

  ">

  #WATCH | Punjab | Visuals from the residence of gangster Sukhdool Singh in Moga. Reports have been coming in that he has been killed in Winnipeg, Canada in a gang land shooting but official confirmation is yet to come in.
  
  Earlier today, raids against gangsters and Khalistani… pic.twitter.com/2cRp0SW4IV

  — ANI (@ANI) September 21, 2023

یہ المناک واقعہ ہندوستان اور کینیڈا کے درمیان ایک اہم سفارتی تنازع کے پس منظر میں سامنے آیا۔ ہفتے کے شروع میں، کینیڈا کے وزیر اعظم جسٹن ٹروڈو نے ہاؤس آف کامنز سے خطاب کرتے ہوئے چونکا دینے والا دعویٰ کیا تھا کہ ان کی حکومت کے پاس ’’معتبر ذرائع ‘‘ (ثبوت) ہیں جو بھارتی حکومت کے ایجنٹس کو خالصتانی لیڈر ہردیپ سنگھ نجر کے جون میں کینیڈا کی سرزمین پر قتل کے ساتھ جوڑتے ہیں۔ اس انکشاف نے دونوں ممالک کے درمیان الزامات اور جوابی الزامات کا شدید تبادلہ شروع کر دیا ہے۔ 45 سالہ ہردیپ سنگھ نجر ایک کالعدم تنظیم خالصتان ٹائیگر فورس (KTF) کا سربراہ تھا۔ ان کی موت18 جون کو برٹش کولمبیا کے سرے میں ایک گوردوارے کے باہر ہوئی تھی۔ نجر، بھارت کے انتہائی مطلوب دہشت گردوں میں سے ایک تھا، جس کے سر پر 10 لاکھ روپے کا نقد انعام بھی تھا۔

ٹروڈو کے الزامات کا فوری اثر دیکھنے کو ملا۔ دونوں ممالک نے تعزیری کارروائیاں انجام دیں، بڑھتی ہوئی کشیدگی کے جواب میں کینیڈا اور بھارت نے باہمی طور پر ایک ایک سینئر سفارت کار کو ملک بدر کر دیا۔ بھارت نے کینیڈا کے وزیر اعظم کے الزامات کی سختی سے تردید کرتے ہوئے انہیں ’’مضحکہ خیز‘‘ قرار دیا تھا۔ بھارت اور کینیڈا کے درمیان جاری تعطل کے درمیان، پنجاب پولیس نے گینگسٹر گولڈی برار کے ساتھیوں کو نشانہ بناتے ہوئے ریاست بھر میں کریک ڈاؤن شروع کیا۔ برار، جن کے خالصتانی علیحدگی پسند تحریک سے قریبی تعلقات کا الزام ہے، خیال کیا جاتا ہے کہ وہ کینیڈا میں چھپے ہوئے ہیں۔ کریک ڈاؤن کا مقصد اس کے نیٹ ورک کو ختم کرنا اور سکھ برادری میں ایسے عناصر کے بڑھتے ہوئے اثر و رسوخ کے بارے میں خدشات کو دور کرنا ہے۔ سکھا دونیکے کی موت اور ہندوستان اور کینیڈا کے درمیان سفارتی رسہ کشی کی وجہ سے خالصتانی انتہا پسندی کا معاملہ دوبارہ بین الاقوامی توجہ کا مرکز بن گیا ہے۔