برطانیہ یوکرین کو روس کے خلاف جنگ میں مدد کے لیے ملٹیپل لانچ راکٹ سسٹم بھیجے گا۔ Arms for Ukraine برطانیہ کے وزیر دفاع بین والیس نے کہا کہ یوکرینی افواج کی صلاحیتوں کو بڑھانے کے لیے وہ 80 کلومیٹر تک مار کرنے والے اہم 270 ملٹی پل لانچ راکٹ سسٹم بھیجے گا، جس سے یوکرائنی فوج کی صلاحیت میں خاطر خواہ اضافہ ہوگا۔ وزیر دفاع نے کہا کہ برطانیہ یوکرین کے ساتھ کھڑا ہے اور ضرورت پڑنے پر اس نے اہم ہتھیاروں کی فراہمی میں اہم کردار ادا کیا ہے۔ محکمہ خارجہ نے اس قدم کو یوکرین کو ہائی موبلٹی آرٹلری راکٹ سسٹم ( ایچ آئی ایم اے آرایس ) دینے کے امریکہ کے فیصلے کی حمایت قرار دیا ہے۔UK to send advanced weapons to Ukraine
وہیں جرمنی نے کہا ہے کہ وہ یوکرین کو متعدد راکٹ لانچرز، جدید ایئر ڈیفنس سسٹم اور ایک ایسا راڈار ٹریکر فراہم کرے گا، جو فوجی آرٹلری کا پتہ چلانے کی صلاحیت رکھتا ہے۔ جرمن چانسلر اولاف شولز نے کہا کہ برلن کا مقصد یہ یقینی بنانا ہے کہ روسی صدر ولادیمیر پوتن یہ جنگ نہ جیتیں اور اسی لیے یوکرین کو جدید ترین راکٹ لانچرز فراہم کیے جائیں گے تاکہ وہ اپنا دفاع کر سکے۔ یہ لانچرز دس تا چالیس کلومیٹر کے فاصلے تک اپنی ہدف کو انتہائی مہارت سے نشانہ بنا سکتے ہیں۔ Germany to send advanced weapons to Ukraine
یہ بھی پڑھیں:
Russia Ukraine War: امریکہ کا یوکرین کو جدید راکٹ سسٹم فراہم کرنے کا اعلان
اس سے قبل امریکی صدر جو بائیڈن نے یوکرین کے لیے ایک نئے فوجی امدادی پیکیج کا اعلان کیا تھا جس میں ایچ آئی ایم اے آر ایس راکٹ سسٹم بھی شامل ہے۔ بائیڈن نے ایک بیان میں کہا ’’میں یوکرین کی فوج کو وقت پر اور اہم مدد فراہم کرنے کے لیے ایک نئے سیکورٹی امدادی پیکج کا اعلان کرتا ہوں‘‘۔ انہوں نے کہا کہ نیا پیکج انہیں نئی صلاحیتوں اور جدید ہتھیاروں سے لیس کرے گا جس میں ایچ آئی ایم اے آر ایس بھی شامل ہے۔ اس سے وہ روس سے اپنی سرزمین کا دفاع کر سکے گا۔
ادھر روس کے نائب وزیر خارجہ سرگئی ریابکوف نے امریکہ کی طرف سے ہتھیاروں کی فراہمی کے فیصلے پر تنقید کی ہے۔ انہوں نے الزام لگایا کہ امریکا یوکرین کو روس کے خلاف بھاری مقدار میں ہتھیار دے رہا ہے جو یوکرین کے ساتھ امن مذاکرات میں رکاوٹ بن سکتا ہے۔ بدھ کے روز کریملن کے ترجمان دمتری پیسکوف نے بھی امریکہ پر آگ میں ایندھن شامل کرنے کا الزام عائد کیا۔ انہوں نے کہا کہ امریکہ چاہتا ہے کہ روس آخری یوکرائن کو ختم کرنے کے لیے لڑے۔ منگل کو یوکرین کے صدر زیلینسکی کے بیان پر ردعمل دیتے ہوئے کیف نے کہا کہ کیف امریکی ہتھیاروں کو روسی سرزمین پر حملے کے لیے استعمال نہیں کرے گا۔ تاہم روسی حکام نے اس دعوے کو مسترد کر دیا ہے۔
