کھٹمنڈو: طیارہ حادثے کی جگہ سے ایک اور نیپالی مسافر کی لاش برآمد ہوگئی ہے جس کے ساتھ اب لاشوں کی تعداد 71 ہو گئی ہے تاہم آخری لاپتہ مسافر کی ابھی تک تصدیق نہیں ہو سکی ہے۔ کاسکی ضلع کے اسسٹنٹ چیف ڈسٹرکٹ آفیسر نے بتایا کہ ہمیں سیتی ندی میں ایک اور لاش برآمد ہوئی ہے۔ جس سے برآمد ہونے والی لاشوں کی مجموعی تعداد 71 ہو گئی ہے۔
یتی ایئر لائنز کا طیارہ 15 جنوری کو پوکھرا شہر میں دریائے سیتی کے قریب گر کر تباہ ہو گیا تھا، یہ طیارہ کھٹمنڈو سے پوکھرا جا رہا تھا۔ مسافر طیارہ جس میں 72 افراد سوار تھے، جن میں پانچ ہندوستانی بھی شامل تھے۔ اس سے قبل یتی ایئر لائنز کے طیارے کا بلیک باکس نیپال کی فوج نے سول ایوی ایشن اتھارٹی کے حکام کے حوالے کیا تھا۔بلیک باکس ایک فلائٹ ڈیٹا ریکارڈر ہے جو ایک خصوصی الگورتھم کے ذریعے پرواز کی تمام معلومات کو ریکارڈ کرتا ہے۔
یہ بھی پڑھیں: Crashed Nepal Plane Black Box نیپال کے تباہ شدہ طیارے کا بلیک باکس برآمد
اس سے قبل نیپال کی سول ایوی ایشن اتھارٹی نے بورڈ پر مسافروں کی ایک فہرست بھی جاری کی تھی، جس میں نیپال کے 53 شہری اور 15 غیر ملکی شامل ہیں، جن میں پانچ ہندوستانی، چار روسی، دو کوریائی اور ارجنٹینا، آسٹریلیا، فرانس اور آئرلینڈ کے ایک ایک شہری شامل ہیں۔ نیپال کی حکومت نے حادثے کی وجہ جاننے کے لیے ایک خصوصی کمیشن کو کام سونپا ہے جس کی رپورٹ 45 دنوں میں متوقع ہے۔
