جکارتہ: انڈونیشیا کے مالوکو صوبے میں منگل کو ریکٹر اسکیل پر 7.5 کی شدت کا زلزلہ آیا جس سے حکام نے سونامی کی وارننگ جاری کر دی۔ ژنہوا خبر رساں ایجنسی نے حکام کے حوالے سے بتایا کہ زلزلہ دوپہر 12.47 بجے آیا جس کا مرکز مالوکو ٹینگارا بارات ضلع سے 148 کلومیٹر شمال مغرب میں تھا اور سمندری تہہ کے نیچے 131 کلومیٹر گہرائی میں تھا۔Indonesia Quake
زلزلے کے جھٹکے گرد و نواح کے کئی صوبوں میں بھی محسوس کیے گئے۔ حکام کے مطابق زلزلے کے بعد درمیانی شدت کے تین جھٹکے بھی محسوس کیے گئے۔ ڈیزاسٹر مینجمنٹ کے ایک اہلکار نے بتایا کہ ممکنہ سونامی کے خدشے کے پیش نظر احتیاط کے طور پر تقریباً 2000 لوگوں کو اونچی جگہوں پر منتقل کیا گیا ہے۔ مالوکو اور ملحقہ جنوب مشرقی سولاویسی صوبے کے لیے سونامی کی وارننگ جاری کر دی گئی ہے۔ دریں اثناء حکام نے زلزلے کے باعث متعدد مکانات اور عمارتوں کے تباہ ہونے کی تصدیق کی ہے۔ انہوں نے کہا کہ ابھی تک کسی کے زخمی یا ہلاک ہونے کی کوئی ابتدائی اطلاع نہیں ہے۔
واضح رہے کہ کہ انڈونیشیا میں آخری مرتبہ 2004 میں بحر ہند میں زلزلہ اور سونامی آیا تھا۔ 26 دسمبر 2004 کو انڈونیشیا کے شمالی سماترا کے مغربی ساحل پر ریکٹر اسکیل پر 9.3 کی شدت کا زلزلہ آیا۔ 100 فٹ اونچی لہروں کے ساتھ، سونامی نے بحر ہند کے آس پاس کے ساحلوں کو تباہ کر دیا، تاریخ کے سب سے مہلک قدرتی آفات میں سے ایک میں 14 ممالک میں ایک اندازے کے مطابق 227,898 افراد ہلاک ہوئے تھے اور انڈونیشیا میں سب سے زیادہ 130,736 افراد ہلاک ہوئے تھے۔
