پاکستانی میڈیا کے مطابق یہ واقعہ بدھ کی صبح اس وقت پیش آیا جب مسافر گاڑی، جس میں تقریباً 23 افراد سوار تھے۔ لورالائی سے ژوب کے لیے روانہ ہوئی تھی۔ ضلع کے ڈپٹی کمشنر حافظ محمد قاسم نے کہا کہ "گاڑی اختر زئی کے قریب پہاڑی کی چوٹی سے گر گئی اور اس میں سوار 22 مسافر مبینہ طور پر ہلاک ہو گئے۔ ریسکیو حکام کا کہنا ہے کہ حادثے میں ایک کمسن لڑکا زخمی ہوا جسے طبی امداد کے لیے کوئٹہ منتقل کر دیا گیا۔ Balochistan Road Accident
انہوں نے مزید کہا کہ تمام جاں بحق مسافروں کی لاشوں کو قلعہ سیف اللہ ڈسٹرکٹ ہیڈ کوارٹر ہسپتال منتقل کر دیا گیا ہے۔ مرنے والوں میں پانچ بچے، پانچ خواتین اور 11 مرد شامل ہیں۔ ڈی سی نے کہا کہ علاقے میں واقع ہسپتالوں میں ایمرجنسی نافذ کر دی گئی ہے۔ وزیر خارجہ بلاول بھٹو زرداری نے واقعے پر افسوس کا اظہار کیا۔ پاکستان پیپلز پارٹی میڈیا سیل نے ایک ٹویٹ میں کہا کہ پارٹی چیئرمین نے سوگوار خاندانوں سے ہمدردی کا اظہار کیا ہے۔ بلاول نے حکام پر زور دیا کہ وہ زخمیوں کو مناسب طبی امداد فراہم کریں اور مستقبل میں ایسے حادثات سے بچنے کے لیے اقدامات کریں۔
