Explosion in South Africa جنوبی افریقہ میں ایندھن کے ٹینکر میں دھماکہ، 10 افراد ہلاک

جنوبی افریقہ میں ایندھن کے ٹینکر میں اچانک دھماکہ ہوگیا، اس دھماکے میں 10 افراد ہلاک ہوگئے ہیں جبکہ متعدد افراد کے زخمی ہونے کی اطلاع ہے۔ بتایا جا رہا ہے کہ اس دھماکے سے آس پاس کے علاقوں میں کئی مکانات اور ایک ہسپتال کو بھی نقصان پہنچا ہے۔Ten killed in Fuel Tanker Explosion

پریٹوریا: جنوبی افریقہ کے شہر بوکسبرگ میں ہفتہ کو ایندھن کے ٹینکر میں دھماکے سے کم از کم 10 افراد ہلاک اور متعدد زخمی ہوگئے۔Fuel Tanker Explosion Kills 10

بوکسبرگ میں کام کرنے والی ایمبولینس سروس امر جی میڈ نے کہا کہ ایل پی جی لے جانے والے ایک ٹینکر میں تصادم کے بعد آگ لگ گئی اور ٹینکر میں زبردست دھماکہ ہوا۔ اس حادثے میں 10 لوگوں کی جائے واقع پر ہی موت ہو گئی جبکہ کئی لوگ جھلس گئے ہیں جنہیں ہسپتال میں داخل کرایا گیا ہے۔

جنوبی افریقہ کے آن لائن اخبار ٹائم سلائیو نے ایمرجنسی سروسز کے حوالے سے بتایا کہ 'ٹینکر ریلوے پل کے نیچے پھنس گیا اور پھٹ گیا، جس سے پل مکمل طور پر تباہ ہو گیا۔' اخبار نے کہا کہ دھماکے سے آس پاس کے علاقوں میں کئی مکانات اور ایک ہسپتال کو بھی نقصان پہنچا ہے۔

یواین آئی