متحدہ عرب امارات کا ایک مال بردار جہاز جمعرات کو خلیج فارس میں خراب موسم کی وجہ سے ڈوب گیا۔ UAE Cargo Ship Sinks in Persian Gulf
حکام نے بتایا کہ امدادی کارکن عملے کے تمام 30 ارکان کو بچانے کی کوشش کر رہے ہیں۔
سلیم المکرانی کارگو کمپنی کے آپریشنز مینیجر کیپٹن نذار قدورہ نے بتایا کہ السالمی 6 خراب موسم اور طوفان کی وجہ سے ڈوب گیا۔
انہوں نے کہا کہ امدادی کارکنوں نے عملے کے 16 ارکان کو بچا لیا ہے۔ دیگر 11 ارکان نے خود اپنی جان بچانے میں کامیاب ہوئے جبکہ ایک شخص کو قریب ہی موجود ٹینکر نے بچایا۔ عملے کے دو ارکان اب بھی لاپتہ ہیں۔
انہوں نے کہا کہ عملے کے ارکان میں سوڈان، بھارت، پاکستان، یوگانڈا، تنزانیہ اور ایتھوپیا کے شہری شامل تھے۔ یہ جہاز کار اور دیگر اشیاء لے کر عراق جا رہا تھا۔
یہ بھی پڑھیں:
سرکاری خبر رساں ایجنسی آئی آر این اے نے کہا کہ جہاز اسلویہ ساحل سے تقریباً 50 کلومیٹر دور تھا۔ انہوں نے بتایا کہ ایرانی امدادی کارکن جہاز تک پہنچنے کی کوشش کر رہے ہیں۔
امریکی بحریہ کے 5ویں بحری بیڑے نے، جو مشرق وسطیٰ میں گشت کرتی ہے، نے ابھی تک کسی بھی طرح کا کوئی جواب نہیں دیا ہے۔
خلیج فارس تجارت کے لیے ایک اہم سمندری راستہ ہے۔ اس راستے پر بحری جہازوں کا غرق ہونا ایک نادر واقعہ ہے۔ حالانکہ علاقے میں طوفان آتے رہتے ہیں اور موسم بدستور خراب ہوتا رہتا ہے۔
