ابوظہبی (دارالحکومت یو اے ای)کے ولی عہد شہزادہ شیخ محمد بن زید بن سلطان النہیان نے ہفتہ کے روز دیوالی کے موقع پر بھارتی عوام کو مبارکباد دی ہے۔
ولی عہد شہزادہ نے ٹویٹر پر کہا 'روشنیوں کے تہوار دیوالی کے موقع پر ہم ان تمام لوگوں کو مبارکباد پیش کرتے ہیں جو دنیا بھر میں جشن مناتے ہیں'۔
شیخ محمد بن زید بن سلطان النہیان نے لکھا کہ 'میں آپ تمام کی خوشحالی اور ترقی کی توقع کرتا ہوں'۔
ادھر وزیر اعظم نریندر مودی نے بھی ان کی خواہشات کا خیر مقدم کیا۔
انہوں نے ٹویٹ کیا ہے کہ 'سبھی کو دیوالی کی مبارک باد! اس تہوار کے موقع پر مزید چمک اور خوشی نصیب ہو۔ سب خوشحال اور صحت مند رہیں'۔
روشنیوں کا تہوار دیوالی رواں برس 14 نومبر کو منایا جارہا ہے، جو بھارت میں یوم اطفال کا بھی دن ہے۔
