عراق: ترکی فضائی حملوں میں تین کرد شہری ہلاک

عراق کے شمالی صوبے دہوک کے سرحدی علاقوں میں ترکی کی جانب سے کئے گئے فضائی حملوں میں تین عراقی کرد شہری ہلاک ہوگئے ہیں۔

اس کی اطلاع مقامی میئر واشین سلمان نے جمعہ کے روز میڈیا پر دی ہے ۔ میئر کے مطابق ترک لڑاکا طیاروں نے شیلاڈزے شہر کے قریب سیڈان کے سرحدی علاقوں کو نشانہ بناکر کئے گئے حملوں میں 3 کرد شہری ہلاک ہوگئے۔ ہلاک ہونے والے کرد شہریوں کی عمر یں 30 سے ​​40 سال کے درمیان بتائی جارہی ہے۔

اہم بات یہ ہے کہ ترکی، کردستان ورکرز پارٹی (پی کے کے) کو نشانہ بناکر حملے کرتا رہتا ہے۔ ترکی ، امریکہ اور یوروپی یونین پی کے کے کو ایک دہشت گرد تنظیم سمجھتے ہیں۔